Kachańnie i seks99

«Seks — heta hałoŭnaje, dziela jaho ŭsio i robicca». Viadomyja biełarusy raskazali, što zabivaje kachańnie

Seks — hałoŭnaje ŭ adnosinach? Ci narmalna, kali partnior ciabie biesić? Jak zachavać šlub? Adkazami na pytańni pra adnosiny z «Našaj Nivaj» padzialilisia viadučy Dzianis Dudzinski, błohier Andrej Pavuk, paet Valaryna Kustava, bčb-niaviesta Ina Zajcava i błohierka Liza Vietrava.

Ci vierycie vy ŭ sapraŭdnaje kachańnie? A ŭ adnosiny na adlehłaści?

Dzianis Dudzinski: Ja nie prosta vieru, a ŭpeŭnieny, što jość sapraŭdnaje kachańnie. Sustrakajecca nie časta. I heta pieravaha ludziej śviadomaha ŭzrostu, ź niejkim žyćciovym dośviedam. Dumaju, što paśla 30 hadoŭ. Tady ja mahu sapraŭdy pavieryć va ŭśviadomlenaje kachańnie. Da hetaha ŭzrostu zvyčajna heta zapał, zakachanaść, zachoplenaść, chimija. A paśla hetaha ŭzrostu pačynajecca praniknieńnie ŭ dušu, mozh, u serca adno adnaho.

Dzianis Dudzinski. Fota: sacsietki 

Vas mohuć padzialać dziesiać tysiač kiłamietraŭ, ale kali heta doŭžycca hady, to naŭrad ci moža być kachańnie na adlehłaści.

Imknieńnie da čałavieka, kachańnie — heta chimija, reakcyja našaha arhanizma na pach, źniešni vyhlad, ruchi, huk hołasu inšaha.

Nie vieru ŭ kachańnie, kali ludzi nie bačacca doŭha. Dla kožnaj pary hetaje paniaćcie «doŭha» svajo. 

Ina Zajcava: Ja vieru ŭ jaho tolki tady, kali heta vynik stałaści abaich partnioraŭ. Kali sapraŭdnym kachańniem zavuć šekśpiraŭski zapał, to heta suzaležnyja adnosiny. Nie liču ich sapraŭdnym kachańniem.

U adnosiny na adlehłaści ja taksama vieru, kali heta vynik asobasnaha rostu abaich partnioraŭ. Z čałaviekam, jaki tabie padychodzić, jaki stały, uśviadomleny, ź jakim supadajuć kaštoŭnaści, pieraškody adnosiny nie buduć razburać. Ciapier takaja historyja ŭ mnohich siemjaŭ palitviaźniaŭ. Ich kachańnie z-za hetaha słabiejšym nie stanovicca. Mahčyma, jano ad hetaha navat stanovicca macniejšym.

Liza Vietrava: Heta dla mianie fiłasofskaje pytańnie, tamu što jakoje kachańnie možna ličyć sapraŭdnym? Dumaju, što tut u kožnaha svajo. Kali čałaviek ličyć, što jaho kachańnie sapraŭdnaje, to tak i jość. Tamu ja vieru ŭ sapraŭdnaje kachańnie.

Naziraju ciapier adnosiny na adlehłaści pamiž maimi znajomymi: chłopiec-ukrainiec i dziaŭčyna-biełaruska. Jon u armii. Ale pry hetym padtrymlivajuć svaje adnosiny, u ich dobra atrymoŭvajecca. Nie viedaju, ci zmahła b ja tak. Ale ŭ adnosiny na adlehłaści taksama vieru. 

Valaryna Kustava: My kožny dzień mianiajemsia, tamu składana abiacać viečnyja pačućci, ale možna abiacać być ščyrym i adkaznym. Ja vieru, što možna fajna pražyć usio žyćcio z adnym čałaviekam. U hory i ŭ radaści. Byvaje, što hetaha čałavieka znachodziš nie ź pieršaha razu.

Valaryna Kustava. Fota: asabisty archiŭ

Ale ahułam ja vieru ŭ kachańnie, jano zdarajecca, heta natchnialnaje žyćciadajnaje pačućcio, jakoje nasamreč nie takoje prostaje, jakim zdajecca na pieršy pohlad. Paśla jano pierafarmatoŭvajecca ŭ najvyšejšy ŭzrovień davieru. Zakachanaści doŭha nie žyvuć, a stasunki mohuć ciahnucca i dziesiacihodździami. 

Jašče ad kachańnia atrymlivajucca razumnyja pryhožyja dzieci. 

Adnosiny na adlehłaści taksama mohuć być. Navat byvaje, što čym bolšaja adlehłaść i čym radziej bačyciesia, tym lepšyja stasunki zachoŭvajucca. Ale jość naturalna vyniatki. I heta vydatna. Pobyt časta źjadaje emocyi. Kožnamu svajo, niemahčyma ŭsich ludziej pad adzin hrabieńčyk zahrebści. Ja dychaju na poŭnyja hrudzi, kali zakachanaja, tady žyć lahčej. 

Andrej Pavuk: Ja liču, što hety śviet zanadta žorstki, kab kožnamu chapiła pa sapraŭdnym kachańni. Pra heta možna tolki maryć.

Nie viedaju, što takoje sapraŭdnaje kachańnie. Voś kali ja ažaniŭsia, dziaciej naradžaŭ, raźvioŭsia — heta, mabyć, było niesapraŭdnaje kachańnie? Z čym paraŭnać? 

Ja ŭlublaŭsia, pryviazvaŭsia. Kali ty adčuvaješ pakuty ad taho, što druhoha čałavieka niama pobač, dyk heta ž nie kachańnie, a niejkaja zaležnaść. Kachańnie, napeŭna, heta kali ty daviaraješ čałavieku, vy adno adnamu nie nadakučvajecie i nie psujacie žyćcio. 

Voś jak u Kenedzi było? U jaho była Merlin Manro, žonka i jašče inšyja paluboŭnicy. Kali ŭ mužčyny jość vysoki sacyjalny status, to jon nie budzie admaŭlać sabie ŭ inšych kachańniach. Kali ty paraŭnaješ, to možaš zrabić vysnovy. 

Adnosiny na adlehłaści byvajuć. Ale heta paskudnyja takija adnosiny. Kali ŭ ciabie jość zapał, ty chočaš čałavieka kožny dzień bačyć, to na adlehłaści heta, kaniečnie, pakuty.

Što zabivaje kachańnie?

Liza Vietrava: Na maju dumku, kachańnie zabivaje reŭnaść i niedavier. Tamu što kachańnie — heta pryjemnaje pačućcio. Dla mianie važnaja svaboda i nasałodžvańnie pačućciami. 

Dzianis Dudzinski: Pobyt, rucina, niemahčymaść vyrvacca. A dalej nakładvajucca ŭnutranyja roznahałośsi, tyja drakony i pačvary, jakija jość unutry kožnaha čałavieka. Jon pryjšoŭ stomleny, jana taksama, a treba prybrać kvateru, vyhulać sabaku, pabyć ź dziećmi, pryhatavać viačeru, a chto heta budzie rabić? Pačynajecca sprečka ab tym, chto bolš stamiŭsia. Heta zabivaje kachańnie.

Valaryna Kustava: Kachańnie — heta pačućcio, jakoje treba bierahčy, kłapacicca pra jaho. Zabivajuć jaho zdrady, naprykład. Ci kali niechta z partnioraŭ u niejki momant admaŭlajecca padzialać adkaznaść za siamju.

Časam daje zrazumieć, ci było kachańnie isnym (albo ŭmacoŭvaje jaho, albo nie), źjaŭleńnie dziaciej. Jany patrabujuć času i sił. Dzieci vyjaŭlajuć, nakolki kachańnie mocnaje i sapraŭdnaje, ale najpierš — kolki haspadary kachańnia saśpieli da pamiežnaj hłybini i darosłaści. Chłuśnia jašče moža zabivać. Kali niama pavahi i ščyraści, kachańnie ŭvohule ŭ takich umovach nie kvitnieje, a zhasaje.

Andrej Pavuk: Ramantyku dakładna zabivaje bytavucha. Jašče dzieci. Nie razmnažajciesia, kali chočacie być u dobrym niervovym stanie, albo abirajcie mužčynu, ź jakim dakładna zmožacie pražyć usio žyćcio. 

Kali ty pryvyk, što čałaviek vykonvaje niejkija zadačy (myje, hatuje), to zaŭsiody budzieš chacieć, kab tak i było. Adzin žyvieš — sam prybraŭ, kali na heta jość natchnieńnie. 

Ina Zajcava: Prachodzić čas, i partniory mianiajucca, časta hetyja źmieny mohuć iści ŭ roznyja baki. Ludzi razumiejuć, što im bolš niama čaho kachać. Źmianiajucca tyja rysy, za jakija jany adno adnaho vybrali, naprykład.

Časam kachańnie pamiraje, tamu što vykanana zadača hetych adnosin. Naprykład, žančyna ź niekali ahresiŭnym baćkam vybiraje sabie vielmi padobnaha da jaho mužčynu. Adpaviedna, jana heta robić dziela taho, kab biaśpiečna prapracavać svaju dziciačuju traŭmu.

I voś jana pojdzie da psichołaha, navučycca spraŭlacca z čužoj ahresijaj, pierastanie prymać jaje na svoj rachunak. U niejki momant vyjdzie z hetaj traŭmy, joj budzie zusim niecikavaja hetaja hulnia, kachańnie zhaśnie.

Ina Zajcava. Fota: sacsietki

Jašče časta doŭhaterminovyja adnosiny zabivaje nierazumnaść. Tamu što, na žal, pobyt i sumiesnyja rašeńni ŭ niejki momant mohuć dazvalać ludziam uvohule zabycca, dla čaho jany razam. My kožny dzień vybirajem, čym my napoŭnim 24 hadziny našaha žyćcia. Nie možam i pracavać, i domam zajmacca, i tut ža pryhožymi, dahledžanymi zastavacca, i ramont rabić, i dziaciej vychoŭvać, a jašče z mužam niejkija ramantyčnyja adnosiny vybudoŭvać.

Zdrady — heta vynik źniknieńnia kachańnia, a nie pryčyna. Tamu hetyja vypadki ja nie razhladaju.

Ci praŭda, što seks — heta nie samaje hałoŭnaje z partnioram?

Andrej Pavuk: Seks — heta hałoŭnaje, dziela jaho ŭsio i robicca. Da žančyn mianie pryvablivaje mienavita mahčymaść mieć ź imi niejkija seksualnyja adnosiny. Heta ja daŭno zrazumieŭ.

Inšaja reč, što ŭžo paśla takich adnosin ty robiš vysnovy.

Ale kali razhladaješ žančynu tolki dla seksu, to, na moj pohlad, heta niecikava. Pavinna niešta być jašče, naprykład, ahulnaja praca, intaresy. Seks, jaki chutka adbyvajecca, sapsuje adnosiny. Treba dajści da hetaha. Kali adrazu atrymlivaješ, to niecikava paśla. 

Valaryna Kustava: Ja nikoli nie dumała, hałoŭnaje ci nie. Liču, što heta važny składnik dla partnioraŭ. Kali niama praciahły čas seksu, ciahi, žadańnia, to mnie nie ŭjaŭlajecca, jak paŭnavartasna moža isnavać siamja ci partniorstva. Jość stolki raznavidnaściaŭ seksu, sposabaŭ prajavicca ŭ hetaj śfiery, što mahčyma znajści niejkija farmaty, kab heta prysutničała pry lubych raskładach.

Kali seksu niama, to heta, chutčej, susiedstva, siabroŭstva. Dla mianie asabista seks — važny składnik siamji, partniorstva. Uvohule pacałunki, dakranańni, abdymki — heta ŭsio padmacoŭvaje blizkaść.

Ina Zajcava: Seks — heta indykatar taho, jakija ŭ vas adnosiny z partnioram, łakmusavaja papierka. Heta vytvornaja ad samaha hałoŭnaha — kachańnia, ciahi. Kali seks ad hetaha na niejkim etapie nie naradžajecca, dyk hladzieć treba nie na nastupstvy, a na pryčyny. Kudy syšło zachapleńnie partnioram, kudy padzielisia ŭsie pačućci, źviazanyja z hetym partnioram, jakija i vyklikali ciahu.

Dzianis Dudzinski: Naprykład, u vas seks try razy na tydzień pa hadzinie. Atrymlivajecca, što try hadziny na tydzień ludziej abjadnoŭvaje seks. Heta nie toje što mała, a nikolki. Astatni čas jany razmaŭlajuć, abmiarkoŭvajuć, dyskutujuć.

Toj intelektualny ŭzrovień, na jakim znachodzicca para, vyznačaje, što bolš važnaje ŭ ich sajuzie.

U ich pavinny być niejkija ahulnyja pohlady na žyćcio, ich adnosiny, ale pry hetym u kožnaha pavinna być niešta svajo, kudy jon moža z hałavoj pahruzicca.

Niachaj u vas seks navat zajmaje siem hadzin na tydzień. A astatni čas? Kaniečnie, heta nie hałoŭnaje. Tym bolš, što z časam pałkaja zakachanaść, zapał adychodzić na druhi płan. I tut vychodzić na pieršy, naprykład, abmierkavańnie pračytanaj litaratury, filma, palityki i ekanomiki.

Seks ihraje niejkuju rolu, ale daloka nie pieršuju, nie druhuju i navat nie treciuju.

Liza Vietrava: Seks, moža być, i sapraŭdy nie samaje hałoŭnaje, ale mnie padajecca, što heta 70 adsotkaŭ pośpiechu ŭ stasunkach. Kali ty z čałaviekam płanuješ pražyć usio žyćcio, to chočacca ź im atrymlivać asałodu, a nie rabić vyhlad. 

Liza Vietrava. Fota: sacsietki

Kali čałaviek kaža, što seks nie maje značeńnia, mnie padajecca, što jon chłusić albo nie atrymlivaŭ sapraŭdnuju asałodu ad seksu.

Kab atrymlivać jaje, treba adkryta razmaŭlać z partnioram i kazać, što tabie padabajecca. 

Ci narmalna, što partnior časam razdražniaje? Što z hetym rabić?

Valaryna Kustava: Mnie zdajecca heta narmalnym. Treba kazać, što vy adčuvajecie, kali jon robić toje ci inšaje (ale nie kožnuju chvilinu). Hledziačy, što razdražniaje. Kali mužčyna raskidvaje škarpetki, to mnie zdajecca, heta vyrašalna. A voś kali chłusić non-stop, to tut pytańnie, ci hatovyja vy pryniać takoha čałavieka. 

Dzianis Dudzinski: Heta absalutna narmalna, my ŭsie adno adnaho čas ad času razdražniajem. Ja, naprykład, mahu prosta siadzieć i maŭčać, a žonka zojdzie ŭ pakoj, pahladzić na mianie try siekundy i skaža: «Blin, jak ty mianie razdražniaješ!» Ja ŭ adkaz pačynaju kasić vočy, rablu «prrrr». I tady pačynaju jaje razdražniać jašče bolš. Potym paśmiajomsia i ŭsio.

Andrej Pavuk: Bytavucha pačynaje razdražniać, kali žyvieš z žonkaj. U našym vypadku dapamahała žyć asobna. Składvaješ rečy, jak zachočaš, a moža, i ŭvohule nie składvaješ. 

Ina Zajcava: Razdražnieńnie — heta historyja pra asabistyja miežy. Žyviom z partnioram na adnoj terytoryi, i časam jon nas raźjušvaje, tamu što załazić nie tudy. Jość hadzina cišyni, vy ŭžo ŭklučyli sieryjał, nalili sabie kubak kavy, a tut adčyniajucca dźviery, muž i dzicia pačynajuć vas adciahvać ad hetaha naładžanaha paradku. Tady vaša razdražnieńnie naturalnaje.

Byvaje razdražnieńnie jak forma nieprymańnia čahości ŭ partniory. Naprykład, vy kaliści zachaplalisia tym, jaki jon viasioły i žyvy, ale sami vy intraviert. Čamu taki vas pryvabiŭ? Vy chacieli być, jak jon. Zvyčajna toje, za što spačatku mocna kachaješ, i pačynaje razdražniać. 

Adbyvajecca heta tady, kali z hetym partnioram vam nie ŭdałosia raźniavolić svajo ŭnutranaje dzicia. Kali vam u dziacinstvie raskazvali, što hučna śmiajacca i machać rukami — heta niepryhoža, to vas budzie razdražniać, čamu inšy čałaviek tak śmieła dazvalaje heta sabie rabić.

Kali vas łajuć za toje, jakaja ci jaki vy jość, za vašyja rysy, varta zaniepakoicca. A kali raźjušvajuć učynki, jakija parušajuć miežy, to treba prosta damovicca.

Liza Vietrava: Dumaju, što treba sačyć za svaimi adčuvańniami, kab razumieć, nakolki čałaviek ciabie razdražniaje i jak časta. Kali pastajanna, to z hetym treba štości rabić. Naprykład, źviarnucca da psichołaha. 

Žyćcio takoje, što ŭsio ŭ im pieryjadyčna razdražniaje. I heta prachodzić.

Jak zachavać šlub (ci adnosiny), jaki razvalvajecca?

Liza Vietrava: Dumaju, što treba spačatku adkazać sabie na pytańnie, ci varta ich uvohule zachoŭvać.

Tut ja b taksama paraiła źviarnucca da psichołaha i pasprabavać razabracca. Moža vyśvietlicca, što vy nie sychodzilisia ŭ niejkich drobiaziach, i adnosiny atrymajecca zachavać. A moža atrymacca, što vy prosta roznaha chočacie ad žyćcia, tady šlub ci stasunki nie varta zachoŭvać, bo treba ad žyćcia atrymlivać asałodu. 

Ina Zajcava: Nie viedaju. Ja dzicia raźviedzienych baćkoŭ, bačyła, kali heta adbyvajecca vielmi žorstka. Ludzi tak zaciahvajuć momant z rasstavańniem, što potym ich źviazvaje tolki lutaja nianaviść. Heta varjacki razburaje dziaciej.

Samaje važnaje ŭ adnosinach z kachanym čałaviekam — heta svoječasova ź im rasstacca. Adpuścić, kaniečnie, vielmi ciažka. Nie treba čakać zdrad, rukaprykładstva. Usio, ty nie lubiš. Treba kazać z pazicyi nie «ty kazioł», a «ja bolš nie adčuvaju». Tady vialiki šaniec raźvitacca mirna.

Pakul u mianie kachańnie było jak srodak paznańnia siabie. Nidzie ty tak dobra nie bačyš siabie, jak u pohladzie lubimaha čałavieka. Dumaju, što stałaje kachańnie isnuje. Kali ja jaho sustrenu, napišu pra heta knihu.

Andrej Pavuk: Zachavać možna, kali ŭ vas na heta jość matyvacyja.

Razvodzicca — heta na karyść ludziam. Kali jany sapraŭdy adno adnaho vartyja, to jany potym sustrenucca. Hetaha nie treba bajacca. Jość taki zababon u našym hramadstvie, što kali raźviadziešsia, to nikomu nie budzieš patrebny. A nasamreč stolki šmat biełarusak, jakija marać pra hety razvod.

Dzianis Dudzinski: Ja nie viedaju. Treba pierakanacca, ci sapraŭdy jon razvalvajecca. Jość śpiecyjalisty pa siamiejnych adnosinach dla hetaha. Treba razam abmierkavać. 

Razvalvajecca — značyć treba razvodzicca, čaho ciahnuć. Razumieju, kali jość sacyjalnyja abaviazki: dzieci, kredyt, majomaść niejkaja. Ci varta dziela hetaha praciahvać razam žyć? Ja viedaju pary, jakija tak žyvuć, ale pry hetym u ich daŭno adkrytyja adnosiny na baku. Tak jany vyrašyli.

Valaryna Kustava: Treba zadacca pytańniem, dla čaho zachoŭvać. Kali vy aboje šmat pracujecie, maleńkaje dzicia i niama času na pobytavyja rečy, to zrazumieła, što praź niejki čas heta moža vypravicca. Kali razvalvajucca adnosiny praz toje, što ludzi nie chočuć być adno z adnym, to navošta taki šlub? Ale možna pasprabavać schadzić da siamiejnaha psichaterapieŭta, parazmaŭlać, damovicca. Kali nie spracuje, to značyć nie varta.

«Naša Niva» — bastyjon biełaruščyny

PADTRYMAĆ

Čytajcie taksama: 

«Muž sam papaŭniaje kalekcyju». Biełaruski raskazali, jak u ich łožku źjavilisia seks-cacki i jakija

Štučny intelekt zdolny padabrać vam idealnaha partniora. Sumna? Zatoje nadziejna

U ciažkija časy žančynam padabajucca inšyja mužčyny, a seksualnyja pieravahi mužčyn taksama źmianiajucca

Kamientary9

  • JANKA
    26.02.2023
    Kali łaska, napišycie pra (ci taksama apytajcie) hurt «Niamiha». Kahadzie pačuŭ ich upieršyniu ź pieśniaju «Majak» — nu, vielmi ž pryšpilna! 😀
  • Vitales
    26.02.2023
    Dla životnych sieks vsiehda na piervom miestie! A, jeŝio žratva!
  • Janka
    26.02.2023
    Moŝnyje avtoritiety. Prisłušajuś ))

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu2

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA20

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

Były palitviazień spaliŭ svoj biełaruski pašpart VIDEA22

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu2

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →