Minabarony Rasii zajaviła pra «insceniroŭku nastupu rasijskich vojskaŭ z terytoryi Prydniastroŭja»
Ministerstva abarony Rasii śćviardžaje, što Ukraina «rychtuje ŭzbrojenuju pravakacyju» suprać niepryznanaha Prydniastroŭja «u najbližejšy čas».
«U jakaści padstavy dla ŭvarvańnia płanujecca insceniroŭka nibyta nastupu rasijskich vojskaŭ z terytoryi Prydniastroŭja», — havorycca ŭ zajavie, apublikavanaj ranicaj.
«Ukrainskija dyviersanty», śćviardžajecca ŭ joj, buduć pieraapranutyja ŭ rasijskuju vajskovuju formu.
Małdova nie paćviardžaje infarmacyju Minabarony Rasii ab uvarvańni USU ŭ Prydniastroŭje. Ab hetym paviedamlajecca ŭ telehram-kanale ŭrada respubliki.
«Zaklikajem da spakoju i atrymańnia infarmacyi z aficyjnych i pravieranych krynic Respubliki Małdova», — havorycca ŭ paviedamleńni.
Ministerstva abarony Rasii rehularna anansuje takija «dyviersii», u tym liku z užyvańniem chimičnaj zbroi. Nivodny z takich anonsaŭ nie paćviardžaŭsia, paviedamlaje Bi-bi-si.
Kijeŭ i Kišynioŭ pakul aficyjna nie prakamientavali novyja śćviardžeńni rasijskaha vajennaha viedamstva.
Aściarohi z nahody mahčymaha ŭklučeńnia Małdovy ŭ kanflikt taksama nie raz hučali na praciahu hoda vajny.
U siaredzinie lutaha prezident Małdovy Maja Sandu zajaviła, što Ukraina dała Kišyniovu dakumienty, ź jakich vynikaje, što Rasija rychtuje «padryŭnyja dziejańni» ŭ jaje krainie. Jana daručyła orhanam biaśpieki i hramadskaha paradku prajaŭlać maksimalnuju pilnaść, kab praduchilić źviaržeńnie kanstytucyjnaha ładu.
Na minułym tydni, vystupajučy na Miunchienskaj kanfierencyi, Sandu zajaviła, što Rasija viadzie hibrydnuju vajnu suprać Małdovy, vykarystoŭvajučy ekanamičny cisk i prapahandu. Na jaje dumku, Maskva choča destabilizavać abstanoŭku ŭ krainie i vyvieści ludziej na vulicy, kab źmianić uładu i stvaryć prarasijski ŭrad. Pry hetym jana padkreślivała, što nie bačyć niepasrednaj pahrozy ŭvarvańnia ŭ Małdovu z boku Rasii.
Na terytory Prydniastroŭja ŭ vioscy Kaŭbasna znachodzicca adno z samych bujnych u Jeŭropie schoviščaŭ zbroi.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha13
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary