U Dzień rodnaj movy prajekty audiobooks.by i «Knižny Voz» prezientujuć aŭdyjaknihu «Mova 404» pra moŭnuju dyskryminacyju biełarusaŭ i biełarusak. 127 sumnych historyj našaha času sabrała aŭtarka knihi Alina Nahornaja, a ahučyli prostyja biełarusy i biełaruski.
Nazvali knihu pa anałohii z paniaćciem «pamyłka 404». Jaho možna pabačyć u internecie, kali siervier nie moža znajści zapytany veb-sajt, i ŭ takim vypadku nadpis na staroncy kaža «Not Found» — «nie znojdziena». Tak, pavodle stvaralnikaŭ knihi, adbyvajecca i ź biełaruskaj movaj: chacia jana i dziaržaŭnaja, ale znajści prykłady jaje vykarystańnia ŭ Biełarusi nie tak i prosta.
Raniej vyjšła papiarovaja viersija knihi, ale siarod historyj, pradstaŭlenych ciapier, jość i tyja, što nie byli ŭ jaje ŭklučanyja. Ich ahučyli 100 biełarusaŭ, žychary 15 krain va ŭzroście ad 17 da 60 hadoŭ, a taksama adna ŭkrainka, usiaho pretendentaŭ na ŭdzieł u ahučcy było bolš za 200. Kožny z udzielnikaŭ atrymaŭ adnu ci dźvie historyi i ahučyŭ ich u siabie doma.
«Bolš za sotniu štodzionnych pierapisak, tysiačy pravak, dziasiatki hadzin pracy hukarežysioraŭ prynieśli fantastyčny vynik. Niachaj ža jana budzie narešcie pačutaja», — tak kažuć pra svoj prajekt stvaralniki «Movy 404».
Składalnica knihi Alina Nahornaja razam z mužam Iharam Słučakam zasnavała inicyjatyvu «Umovy dla movy». Raniej Alina vypuściła dapamožnik «Abaronim movu!» pra toje, jak adstojvać moŭnyja pravy. Jaje suženiec Ihar Słučak, juryst, vystupiŭ redaktaram «Movy 404». Jany viadomyja tym, što šukali sposaby pryciahnieńnia da adkaznaści za parušeńnie moŭnych pravoŭ u roznych śfierach — ad zakanadaŭstva da sportu.
Pasłuchać aŭdyjaknihu možna tut.
«Naša Niva» — bastyjon biełaruščyny
PADTRYMAĆ«Nie varta da śmierci hulać u mocnaha čałavieka». Kryścina Drobyš — pra ahučku dziciačych knih, pracu na TB i antydepresanty
Šeść atmaśfiernych biełaruskich akaŭntaŭ u instahramie
«Hałoŭny spažyviec — naš syn». Šmatdzietnaja siamja zasnavała ŭ Biełastoku chatniuju dziciačuju biblijatečku
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary