Hramadstva1414

Dyrektarka litoŭskaha Departamienta mihracyi: Kožny dzień kala 10-20 rasijan i biełarusaŭ vykazvajucca za vajnu

Paśla taho, jak ustupiŭ u siłu paradak, zhodna ź jakim hramadzianie Rasii i Biełarusi, jakija žadajuć atrymać dazvoł na žycharstva ŭ Litvie abo nacyjanalnyja vizy, pavinny zapaŭniać śpiecyjalnuju ankietu, kožny dzień ad dziesiaci da dvaccaci respandentaŭ adznačajuć, što padtrymlivajuć vajnu va Ukrainie, jakuju raźviazała Rasija. Pra heta paviedamiła dyrektarka Departamienta mihracyi Evielina Hudzinskajcie.

Evielina Hudzinskajcie. Fota: Julius Kalinskas

«Ciapier my ŭsim hramadzianam Rasii i Biełarusi, a taksama asobam inšych nacyjanalnaściaŭ dajom zapoŭnić ankietu. Tam my prosim ich padrabiazna raskazać pra svajo minułaje, pra suviaź z vajskovymi raźviedvalnymi strukturami, vykazać svoj punkt hledžańnia na vajnu va Ukrainie.

I mianie vielmi ździviła toje, što my atrymlivajem adnosna vialikuju kolkaść zajaŭ — ad 10 da 20 štodzień, što jany ŭchvalajuć vajnu, padtrymlivajuć toje, što adbyvajecca va Ukrainie», — skazała Evielina Hudzinskajcie.

Dyrektarka Departamienta mihracyi padkreślivaje, što takim asobam dazvoł na žycharstva ŭ Litvie nie vydajecca. Tyja, chto vystupaje za vajnu, pavinny pakinuć Litvu.

Nie idzie ŭ zalik i «apalityčnaść»:

«Zadajecca pytańnie pra toje, kamu naležyć Krym i jak jany aceńvajuć vajnu, raspačatuju Rasijaj. A niekatoryja kažuć, što jany apalityčnyja, što ich heta nie cikavić. Ale kali ty ŭ takoj situacyi i idzie vajna, to nielha siadzieć na dvuch kresłach», — padkreśliła čynoŭnica.

Jana ličyć, što na nieadnaznačnaje vykazvańnie niekatorych asob ab raźviazanaj Rasijaj va Ukrainie vajnie mohuć paŭpłyvać ich dahetul isnujučyja suviazi z Kramlom. Naprykład, pavodle jaje słoŭ, rasijanie, jakija padtrymlivajuć Ukrainu, mohuć stracić piensiju ŭ Rasii.

Taksama, adznačaje Hudzinskajcie, u mnohich vypadkach prośby čałavieka nie zadavalniajucca pa inšych pryčynach, u tym liku i paśla kansultacyi z orhanami biaśpieki.

«My detalova aceńvajem pradstaŭlenuju infarmacyju, i kali budzie ŭstanoŭlena, što čałaviek ujaŭlaje pahrozu dziaržaŭnaj biaśpiecy abo hramadskamu paradku, prymajecca rašeńnie ab admovie ŭ vydačy dazvołu na žycharstva i jaho departacyi», — skazała E. Hudzinskajcie.

Kamientary14

  • Biełaruska
    17.02.2023
    Soramna za suhramadzian…
  • Bobr
    17.02.2023
    Zaraz zrazumieła, čamu konsuły na mejły nie adkazvajuć. ...Praviarajuć vyniki ankiet.
  • Kontrpielmień
    17.02.2023
    Etu praktiku pora rasprostraniť na vsie civilizovannyje strany! Nravitsia vojna - katiś na vojnu!

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →