Hetyja pradukty nie varta razahravać na nastupny dzień. Źježcie ich adrazu ci vykińcie

Pačniom z takoj karysnaj, bahataj mikraelemientami harodniny, jak špinat i sielderej.

Stravy ź imi nie pavinny pravodzić biez chaładzilnika bolš za dźvie hadziny (u chaładzilniku špinat ź sielderejem možna trymać 3—4 dni, kali pakłaści stravu ŭ ščylny kantejnier).

U špinacie i sielderei šmat nitrataŭ, i pry kantakcie z kisłarodam jany pieratvarajucca ŭ nitryty, a potym u nitrazaminy, jakija majuć kancerahiennyja ŭłaścivaści. Taksama i žaleza ŭ składzie špinatu, kali šmat kantaktuje z kisłarodam, robicca niadobrym dla zdaroŭja.

Nie varta trymać biez chaładzilnika i varanuju bulbu. Atručeńnie bolš vierahodnaje, kali bulba była zahornutaja ŭ folhu. Padčas paŭtornaha nahravańnia jaje tempieratura nie zaŭsiody robicca takoj vysokaj, kab usie bakteryi byli źniščanyja. Tamu kali vy nie pastavili bulbu ŭ chaładzilnik svoječasova, nie ryzykujcie i nie ježcie jaje na nastupny dzień.

Brytanskija ekśpierty miarkujuć, što rys, kali jaho pakinuć pry pakajovaj tempieratury bolš čym na paru hadzin ci ŭ chaładzilniku — bolš čym na sutki, moža vyklikać prablemy sa stravavańniem. Usio praz bakteryju Bacillus cereus, jakaja chutčej razmnažajecca pry chatniaj tempieratury, čym u chaładzilniku, i moža vyklikać dyjareju i młości. Tamu, kali treba, zachoŭvajcie rys u chaładzilniku ŭ hiermietyčnym kantejniery, razahravajcie jaho tolki adzin raz i da stadyi, kali ad rysu ŭžo budzie iści para.

Hryby adnosiać da tych praduktaŭ, jakija, kali ich nanava razahravać, mohuć vyklikać razład kišačnika. Stravy z hryboŭ lepš jeści adrazu paśla pryhatavańnia, bo padčas razahravańnia ŭ ich mohuć utvarycca škodnyja rečyvy. Kali ž hryby prastajali ŭ chaładzilniku nie bolš za sutki, ich taksama možna jeści, ale razahravajcie ich da tempieratury nie vyšejšaj za 70 hradusaŭ.

Narešcie, nie razahravajem u mikrachvaloŭcy pradukty z apracavanaha miasa (kaŭbasy, biekon i sasiski). Jany niaredka źmiaščajuć šmat chimičnych dadatkaŭ, jakija padčas nahravańnia ŭ mikrachvaloŭcy mohuć stać taksičnymi. Taksama nahravańnie apracavanaha miasa mikrachvalovym vypramieńvańniem moža vyklikać akiśleńnie chalesterynu, što spryjaje sardečnym chvarobam.

Chočacie lohka i tanna pačyścić mikrachvaloŭku? Voś niekalki sposabaŭ

Mikrapłastyk — adna z hałoŭnych pahroz zdaroŭju ŭ XXI stahodździ. Ale navukoŭcy znajšli rašeńnie

Jak pracuje mikrachvalevaja pieč i čamu ŭsie dumajuć, što ŭ SSSR jany byli zabaronienyja

• 24
• 0
• 10
• 23
• 20
• 23
• 25
• 0