Kultura

Hulnia Hogwarts Legacy pra śviet Hary Potera bje rekordy

Pieršaja kniha pra Hary Potera vyjšła 26 hadoŭ tamu, i za hety čas śviet Chohvartsa prytuliŭ užo niekalki pakaleńniaŭ padletkaŭ i darosłych. Hulniavaja industryja śpiašałasia za knihami i kino — z pačatku nulavych źjaviłasia kala 60 hulniaŭ, źviazanych z suśvietam Potera, ale nivodnaja ź ich nie mieła takoj jakaści, jak Hogwarts Legacy, prezientavanaja na minułym tydni. Pa słovach acenščykaŭ i hulcoŭ, raspracoŭščyk Avalanche Software pieravysiŭ usie čakańni.

Fota: hogwartslegacy.com

Jak usio, da čaho, navat apasrodkavana, maje dačynieńnie piśmieńnica Džaan Roŭlinh, prajekt nie abyšoŭsia biez skandałaŭ.

Kali hod tamu raspracoŭščyki vypuścili pieršy trejler, hulniu raskrytykavali za antysiemityzm. Havaryłasia, što vobrazy hoblinaŭ u śviecie Roŭlinh naŭmysna zasnavany na antysiemickich stereatypach (hobliny pakazany jak nienadziejnyja, kručkanosyja bankiry, jakija pahardžajuć čałaviectvam).

Hulniu taksama zaklikali bajkatavać z-za skandałaŭ, źviazanych z vykazvańniami piśmieńnicy, jakija možna vytłumačyć jak transfobnyja. Abmierkavańnie i luboje zhadvańnie hulni było całkam zabaroniena maderatarami na papularnym hiejmierskim forumie ResetEra. Cełyja sutki isnavaŭ «haniebny» sajt sa śpisam strymieraŭ, jakija hulali ŭ Hogwarts Legacy, a tamu pavinny być zackavanyja.

Pry hetym stvaralniki Hogwarts Legacy śćviardžali, što ich prajekt nie maje nijakaj suviazi z Roŭlinh, i navat dadali ŭ hulni mahčymaść hulać za transhiendarnaha hieroja. Adnak trans-abaroncy raskrytykavali hety žest jak simvaličnuju sprobu praduchilić niehatyŭnuju reakcyju.

Niahledziačy na šmatlikija zakliki da bajkotu, hulnia chutka stała biestsieleram i ŭznačaliła prodaž na placoŭcy Steam. 7 lutaha kolkaść čałaviek na servisie pramoj tranślacyi Twitch dasiahnuła rekordnaha ŭzroŭniu 1,27 miljona adnačasovych hledačoŭ.

Fota: hogwartslegacy.com

Siužet i asablivaści

Hogwarts Legacy viartaje hulcoŭ u śviet na sto hadoŭ raniej, čym pačałasia asnoŭnaja sieryja «Hary Potera», — u 1899 hod. Tamu nikoha sa znajomych piersanažaŭ tut sustreć jašče nielha — chiba tolki pryvidaŭ Amal Biezhałovaha Nika, hareźlivaha Piŭza, a taksama praprababulaŭ i prapradziadulaŭ Uiźli i dalokaha prodka Vałdemorta.

Hulec vystupaje ŭ roli adoranaha čaraŭnika (ci čaraŭnicy), jaki pastupaje adrazu na piaty kurs. Hieroj maje ŭnikalnuju zdolnaść: u jaho jość dostup da staražytnaj mahii, na jakuju palujuć hoblin Ranrok i ciomny čaraŭnik Viktar Rukvud.

Dźvie asnoŭnyja siužetnyja linii ŭ Hogwarts Legacy — heta sutyknieńnie hulcoŭ z hoblinami-revalucyjanierami, jakija chočuć źniščyć ludziej-čaraŭnikoŭ, i daśledavańnie staražytnaj i mahutnaj mahii — toj samaj, jakoj vałodaje hałoŭny hieroj. Razam z nastaŭnikam, prafiesaram Eleazaram Fiham, treba razhadać usie tajamnicy čaraŭnictva i pieraškodzić płanam Ranroka.

Padčas stvareńnia piersanaža hulec moža vybrać jaho źniešnaść, poł, hołas i typ ciełaskładu. Pavyšeńnie ŭzroŭniu dazvalaje hulcu atrymlivać dostup da roznych zaklinańniaŭ, talentaŭ i zdolnaściaŭ i palapšać ich. Vyprabavańni źjaŭlajucca ŭ vyhladzie bitvaŭ, kvestaŭ, daśledavańniaŭ.

Piersanaž vučycca pramaŭlać roznyja mahičnyja zaklinańni, varyć zielle i asvojvać bajavyja zdolnaści. Pa miery prasoŭvańnia hulcy raspracoŭvajuć svoj asablivy bajavy styl. Taksama jany mohuć nabyvać bajavyja pradmiety šlacham handlu ci stvareńnia, pryručać, dahladać i jeździć na roznych čaroŭnych źviarach, uzajemadziejničać ź inšymi vučniami Chohvartsa i z čaroŭnymi istotami.

Fota: hogwartslegacy.com

Mahičny śviet, u jakim chočacca žyć

Raspracoŭščyki Avalanche Software prykłali vielizarnyja namahańni, kab vizualizavać Chohvarts ź nievierahodnaj detalizacyjaj. «Usiu hulniu ja praciahvała adkryvać usio novyja i novyja zakutki i štoraz, kali dumała, što ŭbačyła usio, znachodziła novyja dźviery ŭ jašče adnu prastoru», — dzielicca dośviedam Brytani Vinsent, jakaja piša pra hulni bolš za 15 hadoŭ. Jana taksama była ŭražanaja i kolkaściu tych rečaŭ, jakija možna rabić u virtualnym śviecie. «Tam bieźlič pradmietaŭ, jakija treba adšukać, bieźlič hałavałomak, jakija treba rašyć, i šmat inšych zadańniaŭ».

Navat za 30—40 hadzin vam nie ŭdasca znajści i raskryć usie sakrety Chohvartsa. Adnak kali zasiarodzicca vyklučna na siužetnaj linii, to za 20—25 hadzin hulniu, kažuć daśviedčanyja, možna prajści.

Džesika Kondzit u svaim vodhuku dla partała Engadget pad nazvaj «Maštabnaja hulnia, napoŭnienaja mahijaj» adznačaje, što śviet Hogwarts Legacy raspaścirajecca daloka za ścienami čaroŭnaj škoły, «z tajamnicami, niebiaśpiekami i miłymi istotami, jakija vyhladajuć z-za kožnaha kutka». «Pajadynki — heta mudrahielistyja zaklinańni i vokamhniennyja adkazy, i hetaja kambinacyja daje adčuvańnie sucelnaha patoku, ad jakoha ty atrymlivaješ asałodu. Ja adčuvaju siabie mocnaj, hulajučy ŭ Hogwarts Legacy. Ja adčuvaju siabie viedźmaj — i heta ŭsio, čaho ja kali-niebudź chacieła».

Fota: hogwartslegacy.com

Acenki

Pavodle sajta-ahrehatara Metacritic, Hogwarts Legacy ŭ cełym atrymała stanoŭčyja vodhuki. Najbolš vysoka była aceniena viersija dla Xbox Series X/S.

Siarod minusaŭ hulcy adznačajuć techničnuju častku. Zavisańni, nizkaja častata kadraŭ, prahruzki, bahi — tolki častka prablem PK-viersii. U ahladzie na iXBT.games adznačajecca, što, choć suśviet Chohvartsa niezvyčajna pryhožy, jon napoŭnieny «siarednieńkimi aktyŭnaściami».

Ale, jak zaŭvažaje Trevis Nortap u svaim ahladzie dla sajta pra videahulni, choć Hogwarts Legacy i maje «peŭnyja techničnyja prablemy, nie asabliva cikavy asnoŭny siužet i biednuju raznastajnaść vorahaŭ», hetyja chiby «ŭsio adno nie mohuć razburyć pryvabnyja čary śvietu mahii». Mnohija ahladalniki sychodziacca na tym, što asnoŭnaja siužetnaja linija — druhasnaja ŭ hetaj hulni, a hałoŭnaje — toje, što Chohvarts, narešcie, nie vyhladaje jak blednaja kopija śvietu, apisanaha Roŭlinh, a napraŭdu začaroŭvaje — tak, što hulcy navat nie zaŭvažajuć, jak lacić čas.

Kamientary

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →