Usiaho patrochu

Łamajcie płany. Doŭhaterminovaje płanavańnie nie pracuje, kali havorka pra siabroŭstva

Kavid, vajna va Ukrainie i niekalki chvalaŭ emihracyi mocna paŭpłyvali na našu zdolnaść budavać doŭhaterminovyja płany. Vyjściem dla ludziej stała rašeńnie ničoha nie płanavać nadoŭha, usio vyrašać pa situacyi. U tym liku i sustrečy ź siabrami. I, jak adznačajuć psichołahi, takaja zvyčka moža istotna ŭmacavać adnosiny, bo, u adroźnieńnie ad zahadzia zapłanavanych, spantannyja sustrečy nie pieranosiacca i nie admianiajucca.

Radaść niečakanaj sustrečy

Čym bolš siabry Rašyd Adžamu i Šantel Chejviens damaŭlajucca pra sustreču, tym bolš šancaŭ, što ŭ vyniku jana nie adbudziecca. Časta ŭ zapłanavany čas nivodzin ź ich nie choča iści abo adbyvajecca niešta, što pieraškadžaje płanam ažyćciavicca, raskazvaje ich historyju WSJ.

Ale niadaŭna spadarynia Chejviens niečakana atrymała vychadny. Jana napisała Rašydu: «Ci jość šaniec, što ty ciapier volny?» — i atrymała radasnuju zhodu. Siabry sustrelisia padčas abiedu, kab za fietučyni kampiensavać usio stračanaje ŭ znosinach za apošni čas.

«Heta zaradžała enierhijaj i było čymści novym, bo ja nie płanavaŭ dzień takim čynam, — zhadvaje Rašyd. — Heta była cudoŭnaja sustreča».

Jak spantannaja damoŭlenaść moža ŭmacavać siabroŭstva

Niezapłanavanyja spatkańni i niečakanyja rašeńni, čym zaniacca padčas hetych spatkańniaŭ, dazvalajuć siabram zblizicca, dziakujučy adčuvańniu navizny i adkryćcia, a taksama patrebie vyvučyć štości novaje, adznačajuć psichołahi.

Spantannyja zaprašeńni pa svajoj sutnaści ryzykoŭnyja, bo jość vysokaja vierahodnaść, što zaprošany budzie zaniaty. Ale sama pa sabie prośba śviedčyć pra vieru ŭ tryvałaść siabroŭstva i hatoŭnaść być bolš uvažlivymi adno da adnaho.

Adkładańnie damoŭlenaści bližej da daty spatkańnia dapamahaje praduchilić skasavańnie jaho ŭ apošniuju chvilinu. Tak, u taho, chto płanuje, bolš kantrolu nad tym, kolki ŭ jaho sił i enierhii dla spatkańnia.

«U rozny čas vy ŭ roznaj stupieni adkrytyja dla kamunikacyi i vy nie viedajecie zahadzia, jak budziecie siabie adčuvać», — kaža Džylijan Sandstem, psichołah i lektar Sasiekskaha ŭniviersiteta ŭ Vialikabrytanii, čyje daśledavańni skancentravanyja na vypadkovych sacyjalnych uzajemadziejańniach.

Siamiejnyja terapieŭty časta rajać žanatym klijentam razam pasprabavać nieznajomyja i spantannyja zaniatki, kab udychnuć novaje žyćcio ŭ adnosiny. Siabram moža być karysnaja taja ž parada.

Chto hatovy da sustrečy ŭ apošniuju chvilinu?

Psichołahi kažuć, što spantannyja sustrečy lepš za ŭsio padychodziać dla mocnaha siabroŭstva z tryvałym padmurkam. A budavać płany zahadzia lepš sa znajomymi i ludźmi, ź jakimi vy stracili suviaź.

Niekatoryja asoby — intravierty i ludzi z peŭnym typam sacyjalnaj tryvožnaści — zaŭsiody addajuć pieravahu płanavańniu. Ale navat jany mohuć atrymać karyść sa spantannaha sacyjalnaha ŭzajemadziejańnia. I navat samyja zaniatyja siabry aceniać takija namahańni.

«Časta my dumajem: «Ludzi nie chočuć, kab ja ich turbavaŭ, i ja nie chaču ŭmiešvacca ŭ ich žyćcio». Ale nasamreč heta cenicca», — kaža Džylijan Sandstem. Pa jaje słovach, heta akt dabryni — źviarnucca da inšaha čałavieka, pakazać, što jon maje dla ciabie značeńnie.

Kamientary

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Usie naviny →
Usie naviny

U najlepšych tradycyjach Ahaty Kryści. Zahinułych u hateli ŭ Banhkoku vjetnamcaŭ atrucili cyjanidam

Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan8

Hihanckaja bliskavica ŭdaryła ŭ šmatpaviarchovy dom u Baranavičach VIDEA1

Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj57

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule4

Bajden nazvaŭ adzinuju ŭmovu, pry jakoj admovicca ad prezidenctva10

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

bolš čytanych navin
bolš łajkanych navin

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Hałoŭnaje
Usie naviny →