U Rasii zasakrecili danyja, jakija tyčacca ankałahičnych zachvorvańniaŭ Pucina
Havorka idzie pra zakupki Centralnaj kliničnaj balnicy pry prezidencie RF, dziakujučy jakim raniej žurnalisty vyjavili častyja kantakty Pucina sa śpiecyjalistam pa raku ščytapadobnaj załozy.
Z rasijskaha sajta dziaržzakupak źnikła infarmacyja ab kantraktach Centralnaj kliničnaj balnicy Kiraŭnictva spraŭ prezidenta RF. Pra heta 13 lutaha paviedamiŭ telekanał «Nastojaŝieje vriemia» ŭ svaim daśledčym prajekcie «Sistiema».
Zhodna ź infarmacyjaj telekanała, vyšejzhadanyja źviestki źnikli nie raniej za vierasień 2022 hoda, a pry pierachodzie na staronku zakupki źjaŭlajecca paviedamleńnie, što takija danyja «nie pavinny być raźmieščany na aficyjnym sajcie zakupak».
U samoj Centralnaj kliničnaj balnicy nijak nie prakamientavali zasakrečvańnie hetych danych.
«Akramia hetaha, z sajta dziaržzakupak vosieńniu 2022 hoda taksama źnikli danyja ab padrychtoŭcy da mabilizacyi dla vajny z Ukrainaj i źviestki pra dziejnaść FSB, Słužby źniešniaj raźviedki i zamiežnych rasijskich dypmisij», — paviedamiŭ telekanał.
Nahadajem, što ŭ krasaviku minułaha hoda vydańnie «Prajekt» apublikavała rasśledavańnie pra Uładzimira Pucina ŭ suviazi ź jaho 70-hodździem. Jano było zasnavana na tych samych ciapier užo vydalenych danych ab zakupkach.
Dziakujučy im žurnalisty vyśvietlili, što Pucina ŭvieś čas supravadžaje doktar, jaki śpiecyjalizujecca na raku ščytapadobnaj załozy. Bolš za toje, rasijski prezident maje ŭłasnuju kamandu ad 6 da 13 miedycynskich śpiecyjalistaŭ, jakija supravadžajuć jaho ŭ roznych pajezdkach, a sam jon rehularna prymaje lačebnyja vanny z alenievych rahoŭ.
Čytajcie jaščie:
«U Pucina byŭ svoj «dopinh» ad prymajučaha boku». Śluńkin raspavioŭ, jak 8 hadoŭ tamu ŭ Minsku prajšoŭ samit «narmandskaj čaćviorki»
Niderłandskija śledčyja apublikavali zapis pieramoŭ Pucina z kiraŭnikom «ŁNR»
Raźviedka Danii: Pucin chvareŭ na rak i pakutuje ad chraničnych bolaŭ. Jaho manija vieličy sfarmiravałasia ŭ tym liku ad upłyvu lekavych srodkaŭ
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary