Biełaruski kłub abviaściŭ pra pierachod svajho futbalista ŭ polskuju kamandu, a tam pra heta ničoha nie čuli
Kiraŭnictva kłuba druhoj lihi «Viales-2020» dziela niejkich svaich met pajšło na dziŭnuju mistyfikacyju: jano aficyjna abjaviła ab pierachodzie svajho bramnika Ilji Matałyhi ŭ polski kłub čaćviortaha dyvizijona, pra što ŭ tym samym kłubie nichto ni snom ni ducham, piša «Presboł».
Ilja Matałyha dałučyŭsia da viciebskaj kamandy viasnoj 2022 hoda, a vosieńniu nibyta adpraviŭsia na lehijanierski chleb u kłub «Pałonija» z čaćviortaha dyvizijona čempijanatu Polščy. Paviedamleńnie pra pierachod źjaviłasia ŭ sacsietkach «Vialesa», aŭtarytetny sajt transfermarkt taksama źmianiŭ kłubnuju prapisku bramnika, a ŭ vyniku akazałasia, što heta ŭsio niejkaja mistyfikacyja.
Pavodle śviedčańnia inšaha biełaruskaha bramnika, Marka Barsukova, jaki hulaje ŭ toj kamandzie: «Nichto: ni trenier, ni dyrektar — ničoha nie čuŭ pra heta. Tamu z upeŭnienaściu mahu skazać, što Matałyha tut nie hulaje. I jaho tut nikoli nie było».
Pavodle śviedčańniaŭ krynic z samoha kłuba, hety fint byŭ inicyjavany dyrektaram kłuba Alaksandram Šako. Mienavita jon nibyta paprasiŭ dazvoł u bramnika dla publikacyi ab jaho pierachodzie ŭ polski kłub, a sam Ilja byŭ nie suprać, choć u toj čas znachodziŭsia ŭ Biełarusi. Ciapier Matałyha sapraŭdy ŭ Polščy, ale źjechaŭ tudy pa siamiejnych abstavinach.
Taksama vyśvietliłasia, što padobnyja rečy dla kamandy nie ŭ navinku. Post ab pierachodzie Matyłyhi ŭ «Viales» u svoj čas taksama byŭ zrobleny značna raniej za ŭłasna jahony prychod u kamandu.
Jakija mienavita pytańni vyrašaje takim čynam kiraŭnictva kłuba — jašče naležyć vyśvietlić.
Čytajcie taksama:
«Fiederacyja pieratvaryłasia ŭ sakretnuju arhanizacyju z abmiežavanym uzroŭniem dopusku». Spartyŭnyja čynoŭniki šeść hadzin dumali, što rabić z futbołam
Juny futbalist u Baranavičach kupiŭ «ślapomu» arbitru akulary. Nie ŭsie heta acanili
Śledčy kamitet zavioŭ kryminalnuju spravu suprać pradstaŭnika salihorskaha «Šachciora»
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary