Mer Kijeva Uładzimir Kličko paviedamiŭ, što ŭ stalicy Ukrainy skončyŭsia praces pierajmienavańnia jašče 31 haradskoha abjekta, nazvy jakich źviazanyja z Rasijaj i savieckim minułym. Jość i pierajmienavańni, źviazanyja ź Biełaruśsiu.
Adna z najdaŭžejšych kijeŭskich vulic, praśpiekt Pieramohi (praciahłaść kala 12 km), ciapier budzie nasić nazvu Bieraściejski praśpiekt. Heta faktyčna viartańnie jaho histaryčnaj nazvy, bo raniejšaja była prysvojenaja tolki ŭ 1985 hodzie da 40-hadovaha jubileju pieramohi SSSR nad nacysckaj Hiermanijaj. Da hetaha praśpiekt byŭ Brest-Litoŭskim, a jašče raniej — Brest-Litoŭskaj šašoj. U XIX stahodździ ž tut była Žytomirskaja ci Kijeva-Bieraściejskaja šaša.
Brest-Litoŭskaja šaša, darečy, zastavałasia ŭ Kijevie taksama, i jaje ciapier taksama pierajmienavali ŭ Bieraściejskuju.
Cikava, što adrazu paśla rasijskaj ahresii na emocyjach hučali prapanovy pazbavicca ad lubych nazvaŭ, jakija tyčacca i Biełarusi, u vyniku čaho pad pahrozaj apynułasia siarod inšaha i stancyja mietro «Bieraściejskaja». Ale ŭrešcie zdarovy sens pieramoh, bo na samaj spravie admova ad nazvaŭ, źviazanych ź Bieraściem, dla ŭkraincaŭ była b tym ža samym, što biełarusam dziela taho, kab niekamu dapiačy, admaŭlacca ad nazvaŭ, źviazanych ź Vilniaj, Biełastokam ci Smalenskam.
Pratasieviču admianili hihancki štraf, i jon palacieŭ na adpačynak u Dubaj31
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary