Kachańnie i seks88

«Seks — heta dobra, ale ŭ kadł-paci inšy nastroj». U Minsku pačynajuć pravodzić kantaktnyja viečarynki, na jakich možna tolki abdymacca

Cuddle Party — heta viečarynki, padčas jakich ludzi prosta abdymajucca adzin z adnym. Važna, što tut zusim niama intymnaha padtekstu i kožny ŭdzielnik maje prava admović inšamu. U Biełarusi takija paci stali pravodzić 2,5 hoda tamu ŭ Homieli. A ŭ hetuju subotu, 11 lutaha, pieršaja kadł-viečarynka projdzie ŭ Minsku. CityDog.io pahavaryŭ ź Miraj — viadučaj kadłaŭ u Biełarusi, na rachunku ŭ jakoj bolš za 70 viečarynak i niekalki navučańniaŭ pa temie mientalnaha zdaroŭja i navykach self-care.

Cuddle Party, abo kadły (ad anhł. cuddle «prycisnucca», «abniać») — heta cialesna aryjentavanyja sustrečy z terapieŭtyčnym efiektam, na jakich nieznajomyja ludzi abdymajuć i kranajuć adzin adnaho biez seksualnaha padtekstu. Pa słovach arhanizataraŭ, tak udzielniki vučacca razumieć, jak uładkavanaja dystancyja pamiž ludźmi.

Cuddle Party prydumali ŭ ZŠA na pačatku 2000-ch, ciapier takija sustrečy prachodziać pa ŭsim śviecie: u Hiermanii, Aŭstralii, Danii, Anhlii, Šviecyi, Rasii i ciapier u Biełarusi.

Siońnia ŭ śviecie isnuje cełaja kadł-supolnaść, z dapamohaj jakoj možna atrymać siertyfikat treniera pa abdymkach, jaki śviedčyć, što čałaviek umieje maderavać kadł-praktyki.

Z čaho ŭsio pačałosia ŭ Biełarusi

— Maryja Zobina — pieršaja, chto arhanizavaŭ viečarynki ŭ Maskvie. Ja była adnoj z tych, chto kupiŭ u jaje navučańnie, kab pačać rabić kadł-paci ŭ siabie ŭ horadzie», — raspaviadaje Mira, arhanizatarka kadłaŭ u Biełarusi. — Viasnoj 2020-ha ja pračytała vodhuk adnaho ź psichołahaŭ, jaki schadziŭ na kadł. Paznačyła sabie, što takoje jość i što ja b taksama chacieła schadzić. A vosieńniu 2020-ha ŭžo zrabiła jaho sama ŭ Homieli, tamu što mnie nie chapała biaśpiečnaha miesca, dzie možna było b zabycca pra toje, što adbyvajecca i prosta atrymać asałodu ad taho, što pobač žyvyja ciopłyja ludzi.

— Pamiataješ pieršy kadł, jaki ty zładziła?

— Tak, paśla taho, jak ja zapisałasia na navučalny sieminar, pačałasia rassyłka, ź jakoj ja zasynała i pračynałasia, pošuk pamiaškańnia, lichamankavy zbor płej-lista. Ja azdobiła pamiaškańnie, pasadziła ludziej, jakija pryjšli, u koła, i raskazała praviły.

A vydychnuła tolki tady, kali ŭtknułasia nosam u šyju chłopca. Jon pach adrenalinam i žyviolnym žadańniem. Uvieś kadł my prosta lažali razam: jon hładziŭ mianie pa vałasach, ja słuchała jaho tajamničyja historyi pra zdaniaŭ. A potym pryjechała dadomu i jašče piać hadzin nie mahła zasnuć — dafamin bušavaŭ u kryvi. Ja padsieła na hetyja emocyi ź pieršaha razu i nazaŭždy.

— A jak prachodziać hetyja sustrečy?

— Mierapryjemstva doŭžycca 4 hadziny i maje svaju strukturu: my znajomimsia ŭ kole, prahavorvajem praviły, miedytujem. Potym iduć praktykavańni ŭ parach na cialesny kantakt, kali znajomišsia ź inšymi ŭdzielnikami navobmacak, kab da «svabodnaj častki» lepš razumieć, z kim chočaš pakantaktavać. Potym idzie tak zvanaja «svabodnaja častka», dzie možna kantaktavać z kim zaŭhodna i jak zaŭhodna ŭ ramkach praviłaŭ. I refleksija.

Kadł-viečarynka ŭ Ńju-Jorku

Pra praviły viečarynki: nijakaha seksu, pacałunkaŭ i ałkaholu

— U kadł-sustreč jość niejkija praviły?

— Tak. I za ich parušeńnie čałaviek moža być vyklučany. Heta dapamahaje zachavać biaśpiečnuju i ciopłuju atmaśfieru. Naprykład, na sustrečach zabaroniena sychodzić u seksualny kantakt: seks — heta dobra, ale ŭ kadł-paci inšy nastroj, my pra piaščotu, čullivaść, ciopłyja abdymki i pahładžvańni, kłapatlivyja dotyki, pa-dziciačy hullivyja ŭzajemadziejańni i kašečyja kupki, kali šmat-šmat ludziej lažać usie razam i nie razumiejuć, dzie čyja ruka, dzie čyja naha.

Heta značyć, u nas zabaroniena całavacca ŭ vusny, raspranacca i dakranacca da intymnych miescaŭ, navat kali vy pryjšli sa svaim partnioram, tamu što vašy adkrytyja ŭzajemadziejańni mohuć źbiantežyć inšych udzielnikaŭ, tamu pakińcie ich da kanca mierapryjemstva.

Heta narmalna, kali vy raptam uzbudziciesia. Prosta rastłumačcie čałavieku, što z vami adbyvajecca, i pierapynicie kantakt, pieraklučyŭšy svaju ŭvahu na niešta inšaje — pahladzicie ŭ akno, zaparcie čaju, padydzicie pabałbatać sa mnoj abo inšym udzielnikam.

Važna zaŭsiody pytacca pra zhodu, pierš čym zakranuć inšaha čałavieka ci dałučycca da pary, jakaja ŭžo ŭzajemadziejničaje (časam ludzi nie chočuć kahości puskać u svoj kantakt, i heta narmalna). Treba pavažać čužuju admovu i nie ŭsprymać jaje na svoj rachunak.‌

My prosim aščadna stavicca da lubych svaich pačućciaŭ: kadł na toje i stvorany, kab tam možna było ŭhołas raskazać pra svaje pieražyvańni i być pryniatym u lubym sa svaich stanaŭ. I jašče: nielha vykarystoŭvać hadžety, nielha adciahvać inšych udzielnikaŭ: dla taho, kab zahłybicca ŭ siabie i svaje adčuvańni, nieabchodnaja cišynia, nie pavinna być nijakich razmoŭ, akramia abmierkavańnia svaich miežaŭ. I važna być absalutna ćviarozym abo ćviarozaj.‌

— Zrazumieła. Jak patencyjnamu ŭdzielniku treba padrychtavacca da sustrečy?

— Z nahody padrychtoŭki ja zaŭsiody vysyłaju ŭdzielnikam pamiatku, dzie napisana, čaho lepš nie rabić pierad kadłam i što brać z saboj.

Udzielnikam sustrečy 11 lutaha ja rassyłała takuju pamiatku: «Nie kuryć za paru hadzin da sustrečy, kab nie było niepryjemnaha pachu. Pryniać duš. Pačyścić zuby. Źniać u raspranalni piarścionki i branzalety: jany źnižajuć adčuvalnaść da dakranańniaŭ. Pakinuć tam ža telefon — jon nie spatrebicca padčas paci».

Ja zaŭsiody prašu brać z saboj zručnuju i ciopłuju vopratku, ciopłyja škarpetki dla kamfortu. U nas budzie čaj, možna ŭziać z saboj prysmaki i sadavinu.

Hetym razam mierapryjemstva budzie ŭ studyi, dzie jość joha-dyvanki, ale dla zručnaści hetaha zamała, tamu možna prynosić z saboj paduški, pledy i miakkija cacki. 

Čytajcie taksama: 

Blaski dla pavieličeńnia vusnaŭ, samy stojki łajnier, źziajučy ton, idealny tuš — sabrali hałoŭnyja chity biełaruskaj kaśmietyki

«Amonaviec pačaŭ kamientavać svaju źniešnaść». Voś ź jakimi składanaściami ŭ žyćci sutykajucca biełaruski ź vialikim pamieram hrudziej

Kamientary8

  • Miarzotnik
    09.02.2023
    [Red. vydalena]
  • ?
    10.02.2023
    A ci jo aftapaci?)
  • Uhu
    10.02.2023
    Jašče adzin krok da razbeščanaści...

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →