Nieruchomaść1010

Samyja darahija kvatery Minska istotna prasieli ŭ canie. Voś jak vyhladajuć varyjanty za miljon dalaraŭ i bolš 

Chamam, mebla Versace, čatyry sanvuzły… Pahladzieli, kolki kaštujuć i jak vyhladajuć samyja darahija kvatery Minska. I jak źmianilisia ceny na ich.

Letaś u mai ŭ Minsku pradavałasia krychu bolš za 20 kvater pa canie ad miljona dalaraŭ. Ciapier takich zastałosia tolki 11.

«Raskošny chamam z zornym niebam»

Samaja darahaja kvatera ŭ Minsku aceniena ŭ 1,8 miljona dalaraŭ. Za apošnija vosiem miesiacaŭ jana patańnieła na 150 tysiač. Stolki prosiać za 4-pakajovuju kvateru ŭ domie kala Trajeckaha pradmieścia, jaki ŭ narodzie nazyvajuć «domam Čyža».

Fota tut i dalej: realt.by

Kvatera ahulnaj płoščaj 260 m² mieścicca na 15 paviersie 24-paviarchovaha karkasna-błočnaha doma 2011 hoda pabudovy, vyšynia stolaŭ u kvatery — 3 mietry.

«Raskošnaja 4-pakajovaja kvatera z nadzvyčajnym vidam na nabiarežnuju Śvisłačy i centr horada», — havorycca ŭ apisańni. 

U kvatery zrobleny vytančany dyzajnierski ramont, u azdobie tolki naturalnyja materyjały. Žyllo pradajecca razam z meblaj italjanskaj vytvorčaści i niamieckaj technikaj Siemens i Liebher. U kvatery dva sanvuzły.

«Razynačka adnaho z sanvuzłoŭ — raskošny chamam z zornym niebam», — havorycca ŭ apisańni.

«Unikalny prajekt u centry Minska»

Usiaho na 3 540 dalaraŭ tańniej pradajecca dvuchuzroŭnievy pientchaus u ŽK «Hrafit», što znachodzicca pa adrasie Miaśnikova, 27. Ahulnaja płošča abjekta — 528 m², žyłaja — 107,5 m². Amal 200 «kvadrataŭ» prychodzicca na dach z azielanieńniem. 

U kvatery zrobleny ramont, ale pradajecca jana biez mebli i techniki, tamu adrazu zasialicca ŭ žytło za amal 1,8 miljona dalaraŭ nie atrymajecca.

Žytło pradaŭcy apisvajuć jak «unikalny prajekt u centry Minska». Vosiem miesiacaŭ tamu hety abjekt taksama byŭ u prodažy. U mai 2022 hoda za jaho prasili $1 834 280. 

Aproč hetaha abjekta, u ŽK «Hrafit» pradajecca jašče niekalki kvater pa cenach ad 1,36 da 1,67 miljona dalaraŭ. 

«Novaje adčuvańnie jakaści žyćcia»

Nastupnaja pa darahoŭli kvatera aceniena ŭ 1,3 miljona dalaraŭ. Za vosiem miesiacaŭ jana patańnieła na paŭmiljona. Znachodzicca žyllo pa adrasie praśpiekt Pieramožcaŭ, 135B (kompleks — D3).

Šaścipakajoŭka maje ahulnuju płošču 270,2 m². Apartamienty mieściacca na 26-m paviersie. Faktyčna za hetyja hrošy vy nabyvajecie ceły pavierch, bo vaša kvatera budzie adzinaj na im. U joj try sanvuzły, čatyry bałkony i harderobnaja.

Z voknaŭ kvatery adkryvajecca vid na vadaschovišča Drazdy.

Kvatera sa śviežym ramontam, całkam meblavanaja. Majecca zakryty parkinh z aciapleńniem. Žytło pradajecca razam z meblaj i technikaj. 

«Nabyvajučy kvateru ŭ D3, vy atrymlivajecie nie prosta kvadratnyja mietry, a ceły śpiektr pamiaškańniaŭ i rašeńniaŭ dla novaha adčuvańnia jakaści žyćcia: kłub žycharoŭ, vytančanyja ŭvachodnyja łobi z kanśjeržam, kalasačnyja, viełasipiednyja, indyvidualnyja kładoŭki i jakasny, kamfortny parkinh. Pientchaus raźmieščany ŭ adnym z najlepšych damoŭ kompleksu», — havorycca ŭ apisańni.

Čatyry łodžyi, dva bałkony i čatyry sanvuzły

Čaćviortaja pa darahoŭli kvatera stalicy, jak i samaja darahaja, mieścicca ŭ «domie Čyža». Ciapier za jaje prosiać $1 150 000. Ź viasny jana patańnieła na 450 tysiač dalaraŭ. U mai jaje aceńvali ŭ 1,5 miljona.

Šaścipakajoŭka mieścicca na 11 paviersie. Ahulnaja płošča — 309,5 m², žyłaja — 204,9 m². Tut jość čatyry łodžyi, dva bałkony i čatyry sanvuzły. 

«Kvatera vykanana ŭ kłasičnym styli pa indyvidualnym dyzajn-prajekcie», — napisana ŭ abjavie. 

Ramont 2019 hoda. U apisańni paznačana, što pierad praviadzieńniem ramontnych rabot poŭnaściu demantavali staruju tynkoŭku i ściažku.

Majecca sistema rekupieracyi pavietra z ačystkaj i padahrevam da pakajovaj tempieratury, a taksama šaścizonnaja sistema kandycyjanavańnia Hisense z prytokam śviežaha pavietra. Zrobleny stolevy rośpis.

«Miakkaja mebla vykanana z masivu azijackich parod dreva. Ustalavany ŭbudavanyja šafy z fasadami z masivu dubu. Punktavaje aśviatleńnie, a taksama lustry i bra z kryštalu vytvorčaści Čechii», — havorycca ŭ abjavie. 

U košt kvatery z panaramnymi voknami i vidam na centr uvachodziać dva mašyna-miescy.

Kvatera z meblaj ad Versace

Heta dvuchuzroŭnievaja kvatera pradajecca pa adrasie Hrybajedava, 4. Za 9-pakajoŭku prosiać 1,08 miljona dalaraŭ. Ahulnaja płošča kvatery — 360 mietraŭ kvadratnych, žyłaja — 205 m².

Dom pabudavany ŭ 1996 hodzie. Kvatera mieścicca na siomym i vośmym pavierchach. U joj jość haścioŭnia z kaminam, čatyry spalni, kabiniet, dva bytavyja pakoi, pakoj dla zaniatkaŭ sportam. Majecca saŭna i džakuzi.

Kvatera pradajecca z usioj meblaj i bytavoj technikaj. Dyzajnierskaja mebla Versace rabiłasia pa indyvidualnaj zamovie.

U canu ŭvachodziać dva mašyna-miescy na padziemnym parkinhu i adno miesca ŭ dvary. 

U paraŭnańni ź viasnoj minułaha hoda kolkaść kvater, vystaŭlenych na prodaž pa cenach ad 1 miljona dalaraŭ, skaraciłasia ŭdvaja. Vyhladaje, što adbyłosia heta ŭ pieršuju čarhu za košt źnižeńnia cen, a nie za košt prodažu kvater.

Čytajcie taksama: 

Što adkryjuć na miescy daŭhabuda «Mahnit Minska» 

Ad 30 kvadrataŭ. Jakija sučasnyja mikradamy pradajuć u vakolicach Minska

Kamientary10

  • Mar
    11.02.2023
    Za takije dieńhi v Łondonie možno kupiť dom s priekrasnym sadom, a nie kvartiru s kitčievym intieŕjerom v horodie s łahiernym riežimom.
  • Toma
    11.02.2023
    V koncłahierie v cienie tolko nadziratieli.
    Ostalnyje v kačiestvie riesursa.
    Ludojedskaja vłasť skoro načniot požirať svoich prikorytnikov poetomu tie i prodajut navorovannoje za lubyje dieńhi.
  • daviedka
    11.02.2023
    Spros na dorohuju stoličnuju niedvižimosť striemitielno padajut v śviazi s prohnozirujemym riezkim śnižienijem količiestva millionierov sriedi rukovodstva roźničnych sietiej «Jevrotorh», «Hippo» i «5 elemient».

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →