Hramadstva1313

Stała viadoma suma, jakuju sumu bankir Kaściučenka addaŭ za daterminovy vychad z turmy 

Były kiraŭnik Pryjorbanka Siarhiej Kaściučenka vyjšaŭ z turmy na minułym tydni i ŭžo pakinuŭ Biełaruś. Ale jamu pryjšłosia płacić.

Fota: bspu.by

Pa infarmacyi «Našaj Nivy», heta suma bolšaja za 10 miljonaŭ dalaraŭ i ŭklučaje roznyja płaciažy. 

Bolšaja častka vykupu aformlena jak «sponsarskaja padtrymka» chakiejnaha kłuba «Dynama-Minsk» ad Pryjorbanka. Havorka idzie pra sumu kala 10 miljonaŭ dalaraŭ. 

Pa zatrymańni bankira chadzili čutki, što niezadoŭha da aryštu jon admoviŭ favarytu Łukašenki, byłomu kiraŭniku Fiederacyi chakieja Biełarusi, a ciapier sienataru Dźmitryju Baskavu ŭ prośbie finansavać «Dynama».

Heta ŭžo daloka nie pieršy vypadak, kali z aryštavanych biznesmienaŭ patrabujuć hrošy ci doli ŭ kampanijach, i atrymanyja srodki pieravodziać chakiejnamu kłubu. 

Što datyčyć inšaj častki vykupu — nazyvajecca suma ad 2 da 3 miljonaŭ dalaraŭ, — to jana była pahašana samim Kaściučenkam u ramkach kampiensacyi «naniesienaj škody» pa kryminalnaj spravie suprać jaho. Naturalna, vypłata rabiłasia pa ŭžo znakamitym łukašenkaŭskim dziesiacikratnym mulciplikatary. 

Siarhieja Kaściučenku asudzili da 3,5 hoda kałonii ŭ lipieni 2022-ha. Jaho abvinavacili pa 243 artykule KK — uchileńnie ad vypłaty padatkaŭ. Razam z Kaściučenkam asudzili jašče dvuch biznesmienaŭ.

Farmalna pytańni ŭ siłavikoŭ vyklikała lehalnaja schiema ekanomii na padatkach z dapamohaj sistemy nakaplalnaha strachavańnia «Pryjorłajf», jakoj karystalisia bankiry dla vyvadu dyvidendaŭ biez vypłaty padachodnaha.

«Heta raspaŭsiudžanaje ŭ śviecie nakaplalnaje strachavańnie. Sens jaho ŭ tym, što ty prynosiš hrošy kampanii, jakaja vielmi kansiervatyŭna rasparadžajecca srodkami, — kłasičny piensijny fond. Jana abiacaje tabie dachodnaść pa prachodžańni peŭnaha času, ad niekalkich hadoŭ. Kali havorym pra piensiju, to pa dasiahnieńni hetak zvanaha «ŭzrostu dažyvańnia».

Pry ŭvodzie hrošaj u takuju sistemu strachavańnia tabie nie treba płacić z hetaha padatki — tak rabili mnohija bankiry, pieraličvajučy tudy dyvidendy ad raboty ŭ banku», — raskazvali surazmoŭcy z bankaŭskaj śfiery.

Čytajcie padrabiaźniej: Šok u bankach: Siarhieju Kaściučenku, stvaralniku Pryjorbanka, dali try z pałovaj hady kałonii. Datyčny Baskaŭ?

Aficyjnaje abvinavačańnie paličyła, što fihuranty spravy nie spłacili padatki z sumy 1,5 miljona rubloŭ (heta značyć, u asabliva bujnym pamiery).

U roznyja hady rejtynh «Ježiednievnika» staviŭ 56-hadovaha ŭradženca Višnieva Vałožynskaha rajona Siarhieja Kaściučenku ŭ lik dvaccaci samych upłyvovych biznesoŭcaŭ krainy. 

Pryjorbank byŭ stvorany ŭ 1989 hodzie. Bank staŭ adnym ź lidaraŭ bankaŭskaj śfiery Biełarusi, dolu ŭ im vykupiŭ aŭstryjski Rajfajzien. Kaściučenka — hanarovy konsuł Aŭstryi.

Kamientary13

  • Masandru brać?
    01.02.2023
    Nasuprać usich "dasiahnieńniaŭ" varatara Dzimona - kryminalny artykuł. Karupcyja, pieravyšeńnie ŭłady, machlarstva, saŭdzieł u zabojstvie, vymahalnictva... Talenavity čałaviek talenavity va ŭsim.
  • Dvaždy Cha
    01.02.2023
    Da nikto nie zavidujet, poniatno, kakije summy vraŝajutsia sriedi približiennych k siemje, dla toho, čtoby obieśpiečiť siebie vychod iz tiuŕmy, kohda, siemja, tiebia posadiła v tiuŕmu.
     Zimbabvie i jejo čučieło - NAŠIE VSIO, dažie nie poniatno, kto i koho učit kanibalizmu, Zimbabvie RB ili RB Zimbabvie.
     Okazałoś, čto afrikanskij kanibalizm očień kultivirujetsia, proćvietajet i priživajetsia v cientrie Jevropy.
  • Zima
    01.02.2023
    Kak prišło ,tak ušło .
    Komu zapłatił ,tožie sčasťja ot takich dienieh nie imiejut.

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Usie naviny →
Usie naviny

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

bolš čytanych navin
bolš łajkanych navin

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Hałoŭnaje
Usie naviny →