Z 31 studzienia sietka miedycynskich klinik «Kravira» adnaviła pracu. Z-za pretenzij Ministerstva achovy zdaroŭja z kanca listapada klijenty vymušanyja byli šukać inšyja varyjanty pa miedabsłuhoŭvańni. Adnak ciapier miedyki viarnulisia da pracy, idzie zapis pacyjentaŭ, paviedamlaje Onliner.by.
U listapadzie «Kravira» časova začyniłasia. Takoje rašeńnie było pryniataje paśla manitorynhu lačebna-kantrolnaha savieta Ministerstva achovy zdaroŭja. U kampanii raspaviali, što za dva miesiacy ŭsie niedachopy byli likvidavanyja, i miedyki znoŭ hatovyja prymać klijentaŭ u troch filijałach pa adrasach u Minsku: pr. Pieramožcaŭ, 45; vuł. Zacharava, 50d; vuł. Skrypnikava, 11b.
Razam z «Kraviraj» u listapadzie Ministerstva achovy zdaroŭja prypyniła dziejańnie licenzij pryvatnaj stamatałohii «Doktar Nema» i «PlejadaMied» (Dental Clinic). Pa kantaktnych telefonach, jakija raźmieščanyja ŭ adkrytym dostupie, u hetych miedcentrach pa-raniejšamu nie adkazvajuć.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1919
Kamientary