Navuka i technałohii33

Što takoje ChatGPT i čamu da jaho staviacca nieadnaznačna?

Niekatoryja miarkujuć, što hetaja niejrasietka zamienić ludziej u mnohich prafiesijach, naprykład, kapirajtar, a nastaŭniki aścierahajucca, što školniki bolš nie napišuć samastojna nivodnaha ese. 

Kali vy jašče nie čuli pra ChatGPT, vierahodna, vy daznajeciesia pra jaho vielmi chutka.

Novy čat-bot na asnovie štučnaha intelektu, stvorany kampanijaj OpenAI z San-Francyska, vyklikaŭ dyskusii ŭ internecie dziakujučy svajoj zdolnaści pisać i adkazvać na zapyty.

Choć jaho zdolnaści ŭrazili mnohich, nie ŭ apošniuju čarhu suzasnavalnika OpenAI Iłana Maska, jaki nazvaŭ jaho «pužalna dobrym», prahrama taksama vyklikała zaniepakojenaść, asabliva ŭ śfiery adukacyi, piša The National.

Moža być, jana źbirajecca pazbavić Google jaho statusu placoŭki dla pošuku adkazaŭ u internecie numar adzin?

Što takoje OpenAI?

Heta daśledčaja kampanija, jakaja zajaŭlaje, što jaje misija — kab štučny intelekt (artificial general intelligence — AGI) prynosiŭ karyść usiamu čałaviectvu.

Kampanija apisvaje AGI jak «sistemy z vysokaj stupieńniu aŭtanomnaści, jakija pieraŭzychodziać ludziej u najbolš ekanamična značnaj pracy».

Spadar Mask, uładalnik Twitter, vykanaŭčy dyrektar vytvorcy elektramabilaŭ Tesla, zasnavalnik i vykanaŭčy dyrektar kaśmičnaj kampanii SpaceX i suzasnavalnik niejratechnałahičnaj kampanii Neuralink, pakinuŭ OpenAl u 2018 hodzie paśla roznahałośsia z nahody kirunku jaje raźvićcia.

«My padrychtavali madel nazvaj ChatGPT, jakaja ŭzajemadziejničaje ŭ dyjałohavym režymie», — skazali ŭ kampanii.

«Farmat dyjałohu dazvalaje ChatGPT adkazvać na dadatkovyja pytańni, pryznavać svaje pamyłki, stavić pad sumnieŭ niapravilnyja pieradumovy i adchilać niedarečnyja zapyty».

23 studzienia technałahičnaja kampanija Microsoft abviaściła ab trecim etapie svajho doŭhaterminovaha partniorstva z OpenAI. Etap praduhledžvaje novyja šmathadovyja šmatmiljardnyja inviestycyi ŭ OpenAI.

Raniej Microsoft inviestavała ŭ kampaniju ŭ 2019 i 2021 hadach.

«My sfarmiravali naša partniorstva z OpenAI na asnovie ahulnaha imknieńnia adkazna prasoŭvać pieradavyja daśledavańni AI i demakratyzavać AI jak novuju technałahičnuju płatformu», — skazaŭ Saćja Nadeła, staršynia i hałoŭny vykanaŭčy dyrektar Microsoft.

«Na nastupnym etapie našaha partniorstva raspracoŭščyki i arhanizacyi z roznych halin atrymajuć dostup da najlepšaj infrastruktury štučnaha intelektu, madelaŭ i naboru instrumientaŭ z Azure dla stvareńnia i zapusku svaich mabilnych prahram».

Dla čaho možna vykarystoŭvać ChatGPT?

Ludzi karystalisia im u roznych technikach — ad napisańnia ese i vieršaŭ da stvareńnia navukovych kancepcyj i vykanańnia zadańniaŭ padčas pryjomu na pracu. Vyniki publikavalisia ŭ sacyjalnych sietkach.

Prahrama navat moža prapanavać mahčymyja rašeńni pamyłak u kampjutarnym kodzie.

«Adkaz na pytańnie «Što rabić, kali ŭ kahości zdaryŭsia sardečny prystup?» byŭ nievierahodna jasny i aktualny», — skazaŭ AFP Kłod de Łupi, kiraŭnik Syllabs — francuzskaj kampanii, jakaja śpiecyjalizujecca na aŭtamatyčnym napisańni tekstaŭ.

Pa jaho słovach, «kali vy pačynajecie zadavać vielmi kankretnyja pytańni, adkazy ChatGPT mohuć być nieadekvatnyja», ale jaho ahulnaja pradukcyjnaść zastajecca «sapraŭdy ŭražlivaj» z «vysokim linhvistyčnym uzroŭniem».

Niekatoryja karystalniki zadajucca pytańniem, ci možna vykarystoŭvać prahramu ŭ žurnalisckich metach.

Žurnalist The National Jan Oksbarau paprasiŭ niejrasietku napisać ahulny artykuł pra Dubaj, i taja adrazu ž zhienieravała kala 250 słoŭ tekstu, jaki zakančvaŭsia słovami: «U cełym, Dubaj — heta zachaplalny kirunak, jaki prapanuje štości dla ŭsich — ad amataraŭ vostrych adčuvańniaŭ da šapaholikaŭ i tych, chto šukaje smak blizkaŭschodniaj kultury».

Adnak štučny intelekt moža natrapić na dezynfarmacyju i padać jaje jak fakt, i jość aściarohi, što jon nie zvažaje na niuansy i moža być skarystany dla škodnych zapytaŭ.

«Choć my prykłali namahańni, kab prymusić madel adchilać niedarečnyja zapyty, časam jana budzie reahavać na škodnyja instrukcyi abo pavodzicca nieabjektyŭna», — skazali ŭ OpenAI.

ChatGTP i inšyja instrumienty štučnaha intelektu vykarystoŭvaje kala traciny prafiesijanałaŭ, kab dapamahčy sabie ŭ pracy, jak pakazała apytańnie Fishbowl — sacyjalnaj płatformy, što naležyć sajtu ahladu pracadaŭcaŭ Glassdoor.

Čaściej za ŭsio da čat-bota źviartajucca śpiecyjalisty pa markietynhu i rekłamie — 37%, siarod techničnych śpiecyjalistaŭ stanoŭčy adkaz dali 35%, siarod kansultantaŭ — 30%.

Čat-bot zdaŭ ekzamien MBA va Uortanskaj škole biznesu (ZŠA)?

Niadrenny simulant, ci nie praŭda? Prahramu vyprabavali na vypusknym ispycie pa typovym asnoŭnym kursie MBA «Kiravańnie apieracyjami».

Sudyrektar Mack Institute for Innovation Management Kryścijan Terviš apublikavaŭ svaje vysnovy, zajaviŭšy, što ChatGPT zrabiŭ vydatnuju pracu pa asnoŭnych pytańniach kiravańnia apieracyjami i analizie pracesaŭ, u tym liku tych, što zasnavanyja na tematyčnych daśledavańniach.

Ci zabaronienaja prahrama ŭ škołach Ńju-Jorka?

Tak, na fonie aściaroh z nahody biaśpieki i dakładnaści padavanaha kantentu.

Škoły Ńju-Jorka zajavili, što hetaja technałohija budzie zabaronienaja va ŭsioj akruzie, ale peŭnyja škoły ci sajty zmohuć zapytać dazvoł, kab dać navučencam dostup da pieradavoj techničnaj adukacyi.

«Z-za aściaroh z nahody niehatyŭnaha ŭździejańnia na navučańnie dziaciej, a taksama aściaroh z nahody biaśpieki i dakładnaści kantentu dostup da ChatGPT abmiežavany ŭ sietkach i na pryładach dziaržaŭnych škoł Ńju-Jorka», — skazała Džena Łajł, pres-sakratarka haradskoha departamienta adukacyi.

«Choć instrumient moža dać chutkija i prostyja adkazy na pytańni, jon nie raźvivaje navykaŭ krytyčnaha myśleńnia i vyrašeńnia prablem, jakija nieabchodnyja dla pośpiechu ŭ vučobie i ŭ žyćci».

Nastaŭniki va ŭsim śviecie, naturalna, zaniepakojenyja tym, što vučni buduć kapiravać i ŭstaŭlać u svaje pracy frahmienty z ChatGPT ci ŭvohule stvarać aŭtamatyčna zhienieravanyja raboty.

Adnak vučni pa-raniejšamu mohuć atrymać dostup da prahramy z domu ci sa svajho telefona.

Pradstaŭniki OpenAI kažuć, što pracujuć nad sposabami identyfikacyi tekstu, zhienieravanaha botam.

«My nie chočam, kab ChatGPT vykarystoŭvaŭsia ŭ škołach ci dzie-niebudź jašče, dzie jon užyvajecca nie dla tych metaŭ, dla jakich stvorany, tamu my ŭžo raspracoŭvajem miery pa źmiakčeńni nastupstvaŭ, kab dapamahčy lubomu identyfikavać tekst, zhienieravany hetaj sistemaj», — zajavili ŭ kampanii.

Ź biełaruskaj movaj ChatGPT pracuje nie vielmi dobra, ale ŭsio adno vydaje niejki kantent 

Jak pracuje ChatGPT?

Kali spytać u samoha ChatGPT, jak jon pracuje, prahrama nie zmoža rastłumačyć.

«Prabačcie, ale ja nie znajomaja z ChatGPT, — adkazvaje jana. — Ja moŭnaja madel, navučanaja OpenAI, i ŭ mianie niama mahčymaści prahladać internet ci daviedvacca pra inšyja madeli štučnaha intelektu. Ja mahu tolki padać infarmacyju na asnovie taho, čamu mianie navučyli, i taho, što ja sama mahu zdabyć z hetaj infarmacyi».

Adnak nasamreč niejrasietka vykarystoŭvaje vialiki ŭzor tekstu ź internetu, kab dać najbolš relevantny adkaz na taki zapyt.

Suzasnavalnik i vykanaŭčy dyrektar OpenAI Sem Altman zajaviŭ u tvitary, što heta tolki «demaviersija taho, što mahčyma».

«Chutka ŭ vas źjaviacca karysnyja pamočniki, jakija buduć razmaŭlać z vami, adkazvać na pytańni i davać parady», — napisaŭ jon u tvitary.

«Paźniej moža źjavicca niešta, što idzie i vykonvaje zadačy za vas. U rešcie rešt, vy možacie atrymać niešta, što idzie i zdabyvaje dla vas novyja viedy».

Što skazaŭ Iłan Mask?

Jon apisaŭ ChatGPT jak «pužalna dobry» ŭ tvicie i dadaŭ, što «my niedaloka ad niebiaśpiečna mocnaha štučnaha intelektu».

Potym u pačatku śniežnia Mask napisaŭ u tvitary, što daviedaŭsia, što OpenAI maje dostup da bazy danych Twitter dla navučańnia. «Ja pakul što pastaviŭ heta na paŭzu. Treba bolš daviedacca pra strukturu kiravańnia i płany dachodaŭ u budučyni. OpenAI była zapuščanaja jak adkrytaja dla ŭsich i niekamiercyjnaja prahrama. Ni adno, ni druhoje ŭžo nie adpaviadaje rečaisnaści».

Kolki kaštuje OpenAI?

Jak paviedamiŭ dniami The Wall Street Journal, kampanija viadzie pieramovy ab prodažy akcyj padčas tendara na sumu kala 29 miljardaŭ dalaraŭ.

U spravazdačy WSJ havorycca, što vienčurnyja kampanii Thrive Capital i Founders Fund abmiarkoŭvajuć mahčymaść inviestavańnia ŭ ździełku, jakaja budzie ŭklučać prodaž akcyj na sumu nie mienš jak 300 miljonaŭ dalaraŭ ad ciapierašnich inviestaraŭ.

Ździełka amal padvoić acenku kampanii ŭ paraŭnańni z tendarnaj prapanovaj u 2021 hodzie i zrobić jaje adnym z samych kaštoŭnych startapaŭ ZŠA na papiery, niahledziačy na nievialiki dachod.

Kampanija zarablaje hrošy tym, što biare płatu z raspracoŭščykaŭ za licenzavańnie svajoj technałohii.

Čat-boty traplajuć u zahałoŭki

Śviet pilna sočyć za raźvićciom štučnaha intelektu, i čat-boty niaredka traplajuć na pieršyja pałosy vydańniaŭ. Tak, letaś była hučnaj navina pra toje, što Google zvolniŭ staršaha inžyniera-prahramista Błejka Lemuana paśla taho, jak jon zajaviŭ, što hutarkovy čat-bot kampanii staŭ razumnym.

Lemuan śćviardžaŭ, što moŭnaja madel Google dla dyjałohavych prahram (LaMDA), sistema dla stvareńnia čat-botaŭ, ažyła i zmahła ŭsprymać ci adčuvać rečy.

Google zajaviŭ, što supracoŭnik parušyŭ palityku kampanii ŭ dačynieńni da kanfidencyjnych pytańniaŭ i nazvaŭ jaho śćviardžeńni «całkam nieabhruntavanymi».

Kamientary3

  • Staś
    30.01.2023
    Fajny instrument!
  • chch
    31.01.2023
    A džabbier čieriez tor nikto nie pobovał?
  • zavod
    31.01.2023
    chch, nie, tolki patčyli Kde pad FreeBSD

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Usie naviny →
Usie naviny

«Nie prydumaŭ, jak narezać». Biełarus pakazaŭ u tyktoku, jak zabivaje ćvik mahiloŭskaj kaŭbasoj4

Čatyry krainy NATA damovilisia sumiesna raspracoŭvać dalnabojnyja rakiety1

Jak pazbavicca plamaŭ ad soku sadaviny i jahad1

Hrodna nakryła mocnaja zaleva, zatapiła vulicy VIDEA2

U minskim dvary złavili ekzatyčnuju źmiaju

Padčas ataki na Ukrainu ŭ Biełaruś zalacieŭ rasijski dron-šachied3

Valeryj Załužny pačaŭ pracu pasłom Ukrainy ŭ Vialikabrytanii FOTAFAKT1

Navukoŭcy vyjavili, što ŭdziačnaść dapamahaje žyć daŭžej4

Z pačatku hoda 36 čałaviek źnikli ŭ lasach padčas zboru hryboŭ i jahad. Milicejski čynoŭnik viedaje, chto vinavaty2

bolš čytanych navin
bolš łajkanych navin

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Hałoŭnaje
Usie naviny →