«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu
Błohierka Volha Bondarava ŭ svaim zmahańni ź biełaruskaj kulturaj i «niapravilnymi pavodzinami» biełarusaŭ časta pierachodzić na asoby. Pad razdaču traplajuć taksama čynoŭniki z prapahandystami. U apošnich, zdajecca, łopnuła ciarpieńnie.
Siarod tych, chto navažyŭsia adkryta vystupić suprać Bondaravaj — staršynia Hrodzienskaj abłasnoj arhanizacyi «Biełaja Ruś» Śviatłana Varanica.
Pretenzii infakazački da niekatorych teatralnych śpiektaklaŭ (joj padałosia, što dziaciej tam vučać talerantnaści da monstraŭ, a paśla i da «piedafiłaŭ i transhiendaraŭ») navat ideołahu padalisia absurdnymi.
«Što za tryźnieńnie zapalenaj śviadomaści? Učora ŭ abłasnoj fiłarmonii taksama byli i admoŭnyja hieroi, i kavarnaja zamiena dabra na zło, i rok-muzyka, i łaziernaje šou. Dzieci zastalisia ŭ zachapleńni ad sučasnaj, malaŭničaj, cikavaj pastanoŭki. I, upeŭniena, nikomu i ŭ hałavu nie pryjšło zajavić, što artysty pastavili metaj pryvieści niepaŭnaletnich u šok, a potym, padvierhnutym, niešta im unušyć.
Dyk u čym sapraŭdnaja pryčyna ckavańnia, jakuju razharnuła Bondarava ŭ dačynieńni da niepaŭnaletnich, zaniatych u śpiektakli ŭ HCK Hrodna?» — aburałasia Varanica.
Televiadučaja BT Natalla Bardziłoŭskaja taksama niedalublivaje Bondaravu. Naprykład, za toje, što taja kidajecca na čynoŭnikaŭ — prapanuje źmianić pres-sakratara Łukašenki ci niezadavolenaja rašeńniami naviersie.
«Uporatyja typu Sierhiejenki» — a heta Bondarava pra kiraŭnika Administracyi prezidenta.
Ci varta peckacca, papularyzujučy hetuju hramadzianku i jaje inicyjatyvy ci siabie praź jaje — chaj kožny sam dla siabie vyrašaje.
Ja svaje vysnovy i pra jaje, i pra tych, chto joj apładziruje, zrabiła daŭno», — napisała jana ŭ telehram-kanale.
«Papraŭdzie, ja ŭžo stamiłasia hladzieć na toje, jak hety naš piarevaracień hadzić na našu krainu i prasoŭvaje antydziaržaŭnyja tezisy», — narakała jana.
Vierahodna, pryčynaj takoj nielubovi pasłužyŭ kolišni najezd infakazački na Bardziłoŭskuju za toje, što taja vykazvałasia ŭ sacsietkach pra važnaść vyvučeńnia dziećmi biełaruskaj movy.
Viadučaja ANT Śviatłana Karulskaja taksama padtrymała kaleh, niezadavolenych dziejnaściu hrodzienskaj aktyvistki.
«My pamiatajem, jak bolšaść z nas ckavali ŭ 20-m. My ŭsio heta pieražyli. Dla čaho? A dla taho, kab niejkaja nieadukavanaja, hrubaja, paviarchoŭnaja žančyna, jakaja prykryvajecca dziaržściaham, znoŭ pastaviła heta na patok.
I za što? Za toje, što chtości z nas ličyć, što biełaruskaja mova ŭ Biełarusi — heta narmalna, vykładać jaje ŭ škole dzieciam — heta narmalna. A voś ździekavacca z movy, źnievažać jaje — nienarmalna», — pisała viadučaja ANT, praŭda, paśla post byŭ vydaleny.
Prapahandysty ŭ kancy hoda abmiarkoŭvali, što Bondarava padała zajavu ŭ milicyju na žurnalista ŭstanovy Administracyi Łukašenki (vierahodna, razmova pra «SB. Biełaruś siehodnia»), adnak jaje nie zadavolili.
Zaŭvažyli i najezd Bondaravaj na žurnalista łukašenkaŭskaha puła. Bondarava nakinułasia na Ihara Tura za toje, što toj nie staŭ klejmić Mieładze (Tur napisaŭ, što jamu ŭsio adno, što artysty kažuć, kab być paśpiachovymi ŭ aŭdytoryi).
Miž saboj praciŭniki «infakazački» nazyvajuć jaje Baboša.
Upikali jany Bondaravu i tym, što taja, zastupnica marali, jeździła ŭ Bresckuju krepaść u mini-šortach, i tym, što dziaržaŭny ściah trymała dahary nahami, i tym, što Kupału ad Kołasa nie adroźnivaje.
Pakul niajasna, chto ŭ hetym supraćstajańni pieramoža.
«Naša Niva» — bastyjon biełaruščyny
PADTRYMAĆ
Kamientary
prikolno... a eto nie oskviernienije? vied́ za niečto podobnoje v rośsii davno sažajut podrostkov
"i tym, što dziaržaŭny ściah trymała dahary nahami,"
nu a vot eto odnoznačno protiest. nu eto pravda užie nie v rośsii, a v Amierikie... "V SŠA nadruhatielstvo nad fłahom dlitielnoje vriemia było zaprieŝieno. Tak, v Novom Orleanie za uničtožienije połotniŝa był poviešien niekij Uiljam Mamford, a horazdo pozdnieje ... jesť tradicija pierievoračivať fłah kak znak protiesta nyniešniej vłasti, a takžie ustavam i poriadkam"