Paśla ŭdziełu Cichanoŭskaj u forumie ŭ Davosie prapahandysty pačali pierakonvać, što Davos užo nie ihraje nijakaj roli
U prahramie «Kłub redaktaraŭ» na ANT prapahandysty źviarnuli svaju ŭvahu na Davos. Hałoŭnaja ideja — Davos užo nie toj, što byŭ raniej, i nijakaha značeńnia nie maje.
«Davos u svoj čas ihraŭ peŭnuju rolu takoj źvierki hadzińnikaŭ. Kali jon pačynaŭsia, heta byli śviežyja idei. Potym uspomnicie 1992 hod znakamity. Voś heta, Kisindžer i kiraŭniki novych dziaržaŭ na prastory Savieckaha Sajuza. Potym znakamitaja zmova padčas vybaraŭ 1996 hoda ŭ Rasii, davoskaja kaalicyja suprać Ziuhanava i, z druhoha boku, prezientacyja Ziuhanava.
Ciapier usio, što my čujem, — heta sproba ŭtrymać hety stary iluzorny śviet z hiehiemonijaj adnoj dziaržavy, ale hety śviet burycca, i Davos — askołak taho śvietu. Jany čaplajucca, jany sprabujuć kiravać, ale maje racyju Iłan Mask, što hetaja ŭłada hiehiemanisckaja adnapalarnaha śvietu sychodzić ad ich. Jany sprabujuć žyć jašče ŭ hetym starym śviecie, i Davos — heta častka hetaha śvietu. A na našych vačach uźnikaje novaja realnaść, dzie Davos nie zjaŭlajecca nijakim suśvietnym uradam», —
patłumačyŭ situacyju prapahandyst i staršynia praŭleńnia dziaržaŭna-hramadskaha abjadnańnia «Viedy» Vadzim Hihin.
Siońnia stała viadoma, što na Suśvietnym ekanamičnym forumie ŭ Davosie pryznačyli adkaznaha za Biełaruś.
Daradca Śviatłany Cichanoŭskaj Franak Viačorka nazvaŭ udzieł Śviatłany Cichanoŭskaj u forumie spravaj «sapraŭdy nieardynarnaj».
«Uličvajučy toje, što na Forum zaprašajuć daloka nie ŭsich navat kiraŭnikoŭ dziaržaŭ. Joj dali dva vystupy ŭ asnoŭnaj prahramie, u tym liku adzin na hałoŭnaj scenie, na jakoj vystupali za ŭvieś tydzień ahułam tolki 35 śpikieraŭ. Važny sihnał nam, što Forum razumieje važnaść biełaruskaha pytańnia. Raniejšyja forumy mieli vialikaje pradstaŭnictva Rasii, i miesca dla nas tam nie znachodziłasia», — napisaŭ jon.
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary