Palityka Andreja Dźmitryjeva pieraviali z Akreścina ŭ SIZA na Vaładarskaha. Pra heta havorycca na jaho staroncy ŭ fejsbuku, jakuju viaduć paplečniki.
Viadoma, što jaho vinavaciać pa «narodnym» 342-m artykule.
Na minułym tydni praz try dni paśla zatrymańnia Dźmitryjeva źjaviłasia tłumačeńnie ad SK: maŭlaŭ, «u chodzie praviadzieńnia nieadkładnych śledčych dziejańniaŭ ustanoŭlena, što Dźmitryjeŭ braŭ aktyŭny ŭdzieł u vuličnych biesparadkach, jakija prachodzili na terytoryi stalicy ŭ žniŭni—vieraśni 2020 hoda».
Taksama ŭ SK padličyli, što palityk «599 razoŭ pierasiakaŭ dziaržaŭnuju miažu Respubliki Biełaruś, ź ich 33 — paśla 2020 hoda».
«Śledstva miarkuje, što najaŭnaść kantaktaŭ u Dźmitryjeva z pradstaŭnikami Zachadu i ZŠA moža śviedčyć ab kaardynacyi jaho «palityčnaj» dziejnaści z-za miažy. Majecca infarmacyja, što zatrymany kantaktavaŭ ź dziaržaŭnym sakrataryjatam ZŠA i asabista ź jaho byłym kiraŭnikom Chiłary Klintan», — zajavili ŭ SK i prykłali fota z byłoj pieršaj łedzi ZŠA.
Kamientary