Mody2323

Ekskluziŭnyja Apple Watch i niečakany kaspłej. Što cikavaha my znajšli ŭ harderobach čynoŭnic

Vyvučyli harderoby čynoŭnic i zaŭvažyli niekalki cikavych detalaŭ. Raskazvajem, chto jakija sumki i hadzińniki vybiraje i čyj styl nahadvajuć harnitury namieśnicy kiraŭnika Administracyi prezidenta Volhi Čuprys.

Iryna Kaścievič

Fota: BiełTA

Harderob ministra pracy i sacyjalnaj abarony Iryny Kaścievič sabrany ŭ najlepšych tradycyjach biełaruskaha čynoŭnickaha stylu. Jak i mnohija kalehi, Iryna Anatoljeŭna lubić šyjnyja chustki, strohija kaściumy i bahata pakrytyja łakam pryčoski z načosam. I ŭsio ž u Kaścievič jość svaja «stylistyčnaja razynačka» — nastalhija pa 1980-ch i luboŭ da darahich aksiesuaraŭ.

Tak, dziełavyja vobrazy ministr razbaŭlaje łukami ŭ kasuchach.

Ministr pracy i sacyjalnaj abarony Iryna Kaścievič. Fota: oobsg.by

Akramia hetych vobrazaŭ, našu ŭvahu pryciahnuŭ smart-hadzińnik, jaki časta ŭpryhožvaje ruku palityka na fota. Bieź ciažkaści vyznačajem u im Apple Watch, a bakavaja knopka čornaha koleru i skuranaja papružka nahadvajuć limitavanuju madel u korpusie z 18-karatnaha zołata. Košt takich hadzińnikaŭ zaležyć ad sieryi i hoda vypusku: cana vahajecca ad 3 tysiač dalaraŭ za bolš prosty aksiesuar da 17 tysiač za ŭzor 2020 hoda.

Ministr pracy i sacyjalnaj abarony Iryna Kaścievič z hadzińnikam, jaki vielmi padobny da Apple Watch Edition 42mm 18-Karat Yellow Gold. Fota: «Śvisłackaja hazieta»
Fota: bobrlife.by

Varta adznačyć, što Kaścievič svojeasablivy trendsietar u śviecie praŭładnych palitykaŭ: čorny žakiet ź fihurnym kaŭnieram, padobny da žakieta ministra, my znajšli ŭ harderobie deputata Pałaty pradstaŭnikoŭ Nacyjanalnaha schodu Ludmiły Niževič.

Ludmiła Niževič źleva. Fota: house.gov.by, Minpracy i sacabarony

Deputat Aksana Hajduk, člen Pastajannaj kamisii Pałaty pradstaŭnikoŭ Nacyjanalnaha schodu pa žyllovaj palitycy i budaŭnictvie, prajaviła kreatyŭ i stvaryła (vierahodna, reč pašytaja na zamovu) kamizelku pa matyvach znakamitaha žakieta.

Aksana Hajduk sprava. Fota: house.gov.by

Volha Špileŭskaja

Luboŭju da smart-hadzinnikaŭ vyłučajecca kiraŭnica Biełaruskaha sajuza žančyn Volha Špileŭskaja. Na jaje ruce my zaŭvažyli Samsung Galaxy Watch Active2. Kaštuje taki hadzińnik u razy tańniej, čym u Kaścievič, — kala 230 dalaraŭ.

Volha Špileŭskaja z hadzińnikam Samsung Galaxy Watch Active2. Fota: «Vieśnik Mahilova»

Ad hadžetaŭ piarojdziem da bolš zvykłych aksiesuaraŭ — sumak.

Sumku, padobnuju da redkaj madeli Chanel, možna zaŭvažyć u pieršaj namieśnicy ministra justycyi Natalli Filipavaj. Aksiesuar vykanany z čornaj skury z ustaŭkami ź biełaj padšyvanki. Cana takoj brendavaj sumački startuje ad 4200 dalaraŭ ZŠA.

Nie vyklučajem, što pierad nami moža być padrobka, — jakaść fota nie dazvalaje razhledzieć detali, adnak spadziajomsia, što supracoŭnica Miniusta nie stanie mieć spravu z fejkami.

Pieršy namieśnik ministra justycyi Natalla Filipava z sumkaj Chanel. Fota: zav.minsk.gov.by

Maryja Vasilevič

Kalekcyju brendavych sumačak, ale bolš ścipłych, my pabačyli ŭ deputatki Pałaty pradstaŭnikoŭ Nacyjanalnaha schodu Maryi Vasilevič.

Maryja aktyŭna viadzie supołku ŭ Facebook, dzie dzielicca z padpisčykami navinami ab praviedzienaj pracy. Na pačatku hoda Vasilevič naviedała terytaryjalny centr sacabsłuhoŭvańnia nasielnictva Frunzienskaha rajona Minska: na sustrečy łuk dziaŭčyny ŭpryhožvała sumka Bradshaw ad Michael Kors — aktualnaja cana takoj vahajecca ŭ miežach 480—500 jeŭra.

Maryja Vasilevič z sumkaj Michael Kors. Fota: fejsbuk Maryi Vasilevič

Zrešty, heta nie adzinaja reč viadomaha brenda ŭ harderobie maładoj deputatki. Raniej, naviedvajučy Fizkulturna-spartyŭny centr dziaciej i moładzi Frunzienskaha rajona Minska, Maryja ŭziała z saboj Mercer medium Michael Kors z dublenaj skury. Siońnia jaje košt biez uliku źnižki składaje 375 jeŭra.

Maryja Vasilevič z sumkaj Michael Kors. Fota: fejsbuk Maryi Vasilevič

Aksiesuar inšaha amierykanskaha brenda byŭ na Maryi ŭletku, kali dziaŭčyna atrymlivała dypłom rasijskaha niedziaržaŭnaha instytuta «Maskoŭski instytut psichaanalizu». Na fota bačnaja madel The Snapshot ad Marc Jacobs koštam 360 jeŭra.

Maryja Vasilevič z sumkaj Marc Jacobs. Fota: instahram Vasilevič

My taksama zaŭvažyli na ruce Maryi hadzińnik. Ale ŭ adroźnieńnie ad kaleh pa cechu, Vasilevič addaje pieravahu nie smart-hadzińnikam, a ścipłamu kvarcavamu Quardo Pressed Sheffield brenda Daniel Wellington. Kaštuje taki kala 200 dalaraŭ.

Maryja Vasilevič z hadzińnikam Daniel Wellington. Fota: fejsbuk Vasilevič

Volha Čuprys

U pole našaha zroku patrapiła taksama namieśnica kiraŭnika Administracyi prezidenta Volha Čuprys. U asnoŭnym čynoŭnica viadomaja pracaj nad papraŭkami da Kanstytucyi i chvalebnymi vykazvańniami ŭ adras Łukašenki — niadaŭna jana nazyvała jaho «palityčnym hienijem».

I niachaj nam nie ŭdałosia raspaznać košt jaje harderobu (mierkavana, bolšaść kaściumaŭ pašytaja na zamovu), my zaŭvažyli cikavuju detal: zdajecca, byccam Čuprys kaspłeić styl Volhi Karač — vychady ŭ retra-łukach u čynoŭnicy sustrakajucca ŭsio čaściej.

Volha Čuprys. Skrynšot ANT
Volha Karač. Fota: fejsbuk Karač

Źviarnicie ŭvahu na padabienstva pryntoŭ i dalikatna-hullivy pasył.

Fota: cherikovnews.by, sacsietki Volhi Karač

Što paŭpłyvała na styl Čuprys, zastajecca tolki hadać. Ale Karač na retraściežku stała pieršaj.

Kamientary23

  • zarabotała
    20.01.2023
    Ministr pracy i sacyjalnaj abarony Iryna Kaścievič z hadzińnikam, jaki vielmi padobny da Apple Watch Edition 42mm 18-Karat Yellow Gold. Fota: «Śvisłackaja hazieta»

    a patamuš-ta nada rabotať
    a nie eta vot eta fsie


    https://d3kcf2pe5t7rrb.cloudfront.net/308050
  • vi 3a žisť taka
    20.01.2023
    pieršaje fota...
    "i bahata pakrytyja łakam pryčoski"
    a čto u nieje s kožiej? nu prosto ja biespokojuś. kakije-to strašnyje krasnyje piatna... allerhija na ŁaK ?
  • fie mina
    20.01.2023
    pa ženščynach dy pa ženščynach usio prachodzimsia i prachodzimsia, da?
    bo prajścisia pa muščynčynach słabo

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →