Cana novaha pakieta dapamohi, u jaki ŭvajšli bronietransparciory «Strajkier» i BMP «Bredli», składaje 2,5 młrd dalaraŭ.
Ministerstva abarony abjaviła ŭ čaćvier ab tym, što prezident Džo Bajden sankcyjanavaŭ pieradaču Ukrainie novaha pakieta vajennaj dapamohi dla zadavalnieńnia krytyčna važnych patreb krainy ŭ halinie biaśpieki i abarony.
Pakiet, cana jakoha aceńvajecca ŭ 2,5 miljarda dalaraŭ, zjaŭlajecca tryccatym sa žniŭnia 2021 hoda. U jaho skład uvachodziać sotni bronietransparcioraŭ i bajavych mašyn piachoty, žyćciova važnyja dla Ukrainy srodki SPA i inšyja vidy ŭzbrajeńniaŭ, havorycca ŭ pres-relizie Pientahona.
Hetym razam Ukraina atrymaje bojeprypasy dla pieradavych zienitna-rakietnych kompleksaŭ NASAMS, vosiem ZRK «Aviendžar», 59 bajavych mašyn piachoty «Bredli» z 590 supraćtankavymi rakietami TOW, 53 bronietransparcioraŭ MRAP i 350 vysokamabilnych šmatmetavych kołavych transpartnych srodkaŭ (HMMWV).
Akramia taho, u pakiet uklučany 20 000 155-mm artyleryjskich snaradaŭ, 600 vysokadakładnych 155-mm artyleryjskich snaradaŭ, inšyja bojeprypasy, prybory načnoha bačańnia, zapasnyja častki i inšaje palavoje abstalavańnie.
«Niadaŭnija pavietranyja napady Kramla na krytyčna važnuju infrastrukturu Ukrainy znoŭ prademanstravali razburalnyja nastupstvy žorstkaj vajny, jakuju Rasija viadzie va Ukrainie», — havorycca ŭ paviedamleńni Pientahona. Tam adznačyli, što novy pakiet dapamoža Ukrainie supraćstajać šerahu pahroz i ŭmacuje supraćpavietranuju abaronu krainy.
U ahulnaj kolkaści Złučanyja Štaty vyłučyli bolš za 27, 4 miljarda dalaraŭ na dapamohu Ukrainie ŭ halinie biaśpieki z prychodu ŭ Bieły dom Džo Bajdena. Pry hetym bolš za 26,7 młrd dalaraŭ było vydzielena z pačatku maštabnaj rasijskaj ahresii, jakaja pačałasia letaś 24 lutaha, piša «Hołas Amieryki».
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary