Sud Šviecyi pryznaŭ dvuch bratoŭ vinavatymi ŭ špijanažy na karyść Rasii. Adzin ź ich atrymaŭ pažyćciovy termin
Stakholmski akruhovy sud vynies abvinavaŭčy vierdykt pa spravie «bratoŭ-raźviedčykaŭ» — Pajama i Piejmana Kija, jakija abvinavačvalisia ŭ špijanažy na karyść Rasii pry abciažvajučych abstavinach, piša Bi-bi-si.
Sud nad bratami Kija ciahnuŭsia bolš za hod (aryštavali ich jašče vosieńniu 2021-ha) i pastanaviŭ, što na praciahu kala 10 hadoŭ padsudnyja «akazvali dapamohu Rasii i HRU» tym, što davali Maskvie infarmacyju, «jakaja mahła pastavić pad pahrozu biaśpieku Šviecyi».
U vyniku 42-hadovy Piejman Kija — u minułym štatny supracoŭnik šviedskich śpiecsłužbaŭ — prysudžany da pažyćciovaha źniavoleńnia; 35-hadovy Pajam Kija praviadzie ŭ turmie 9 hadoŭ i 10 miesiacaŭ.
Z ulikam charaktaru abvinavačvańniaŭ, častkova słuchańni prachodzili ŭ zakrytym režymie, biez dostupu žurnalistaŭ, a tekst sudovaha rašeńnia adredahujuć pierad publikacyjaj, vydaliŭšy ź jaho danyja, jakija mohuć ujaŭlać dziaržaŭnuju tajamnicu.
Sami abvinavačanyja, pa słovach ich advakataŭ, svaju vinu tak i nie pryznali.
Advakat Pejmana Kija skazaŭ Reuters, što jaho padabaronny źbirajecca asprečyć vierdykt. Advakat jaho brata nie prakamientavaŭ vynik spravy.
U čym sutnaść abvinavačvańniaŭ
Abodvum bratam było vystaŭlena abvinavačvańnie pa artykule ab špijanažy z abciažvajučymi abstavinami, a starejšamu, Piejmanu (jamu 42 hady, a Pajamu — 35) — dadatkova pa artykule ab hrubym parušeńni praviłaŭ dostupu da sakretnaj infarmacyi.
Pavodle abvinavačańnia, Piejman Kija zdabyvaŭ sakretnuju infarmacyju dla rasijan, kali słužyŭ u šviedskich śpiecsłužbach i vojsku. U momant aryštu jon byŭ šefam słužby biaśpieki ŭ charčovym biuro Šviecyi.
Małodšy brat, Pajam, jak miarkuje śledstva, padtrymlivaŭ suviaź z HRU, pieradavaŭ infarmacyju i atrymlivaŭ zołata i hrošy. Pry aryšcie jon razłamaŭ i vykinuŭ dysk, jaki zatym znajšli śledčyja.
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii4
Kamientary