Rasija praciahvaje rakietny teror. U Dniapry rakieta ŭdaryła ŭ žyły dom — abvaliŭsia ceły padjezd FOTA
Pad zavałami ŭ Dniapry zastajucca žychary jak minimum adnaho padjezda, zajaviŭ namieśnik kiraŭnika Ofisa prezidenta Ukrainy Kiryła Cimašenka. Ludzi byli doma: siońnia vychadny dzień.
Na miescy pracujuć ekstrannyja słužby.
Siońnia Rasija znoŭ naniesła masiravany ŭdar pa ŭkrainskich haradach.
Pavietranaja tryvoha była abvieščanaja pa ŭsioj Ukrainie, u niekalkich abłaściach pracavała SPA. Paviedamlałasia pra vybuchi ŭ Vińnicy, Charkavie, Adesie, Dniapry, Kryvym Rohu, Lvovie, Chmialnickaj, Mikałajeŭskaj i Kijeŭskaj abłaściach.
U Kijevie adbylisia ekstrannyja adklučeńni śviatła, u Charkavie spyniłasia mietro.
Samyja ciažkija nastupstvy ŭdaru — u horadzie Dniapro. Tam rasijskaja rakieta trapiła ŭ žyły šmatpaviarchovik — abvaliŭsia ceły padjezd. Imavierna, pad zavałami apynułasia šmat ludziej, bo ŭ vychadny ludzi byli nie na pracy.
Usiaho z pačatku vajennych dziejańniaŭ zahinuli ŭžo tysiačy mirnych žycharoŭ.
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary