Pamior apošni staršynia Viarchoŭnaha Savieta RSFSR i pieršy śpikier rasijskaha parłamienta paśla raspadu SSSR Rusłan Chasbułataŭ. Jamu było 80 hadoŭ.
Rusłan Chasbułataŭ byŭ pavodle pachodžańnia čačencam i, choć naradziŭsia ŭ 1942 hodzie ŭ Hroznym, dziacinstva i junactva pravioŭ u Kazachstanie, kudy ŭ 1944 hodzie byŭ pahałoŭna vysłany ŭvieś čačenski narod.
Adukacyju Chasbułataŭ atrymaŭ u MDU na jurydyčnym fakultecie i paśla zrabiŭ dobruju karjeru, staŭšy doktaram jurydyčnych navuk i prafiesaram Maskoŭskaha instytuta narodnaj haspadarki imia Plachanava.
U palityku jon pryjšoŭ, jak i mnohija inšyja tahačasnyja intelihienty, u časy harbačoŭskaj pierabudovy, i dabiŭsia ŭ joj mnohaha. Abraŭšysia ŭ deputaty Viarchoŭnaha Savieta RSFSR ad rodnaj Čačena-Inhušskaj ASSR, Chasbułataŭ nieŭzabavie staŭ pieršym namieśnikam staršyni rasijskaha parłamienta — a staršynioj byŭ abrany Barys Jelcyn. Paśla taho, jak Jelcyna ŭ červieni 1991-ha abrali prezidentam Rasii, Chasbułataŭ uznačaliŭ VS RSFSR zamiest jaho.
Spačatku jon byŭ paplečnikam Jelcyna, ale paśla raspadu SSSR ichnija palityčnyja šlachi ŭsio bolš razychodzilisia, što pryviało da mocnaha palityčnaha kryzisu vosieni 1993 hoda. Tady Chasbułataŭ razam ź vice-prezidentam Alaksandram Ruckim uznačalili apazicyju Jelcynu i sprabavali adchilić jaho ad ułady, ale paciarpieli parazu.
Paśla rasstrełu Biełaha doma ŭ kastryčniku 1993 hoda Chasbułataŭ razam ź inšymi dziejačami tahačasnaj apazicyi byŭ na karotki čas aryštavany i źniavoleny, ale nieŭzabavie vyjšaŭ pa amnistyi.
Paśla taho palityčnaha značeńnia jon užo nie mieŭ, choć časam sprabavaŭ u palityku viarnucca, vykazvajučy, naprykład, namiery bałatavacca ŭ prezidenty Čačni i ŭvohule ŭdzielničać u palityčnym žyćci svajoj małoj radzimy. Ale dalej za namiery heta nie išło, i Chasbułataŭ da kanca žyćcia zajmaŭsia tolki navukovaj i vykładčyckaj dziejnaściu.
Pamiatajecie pravakatara i danosčyka Jaŭhiena Kakojtu? Jon ciapier taksama palitviazień13
Kamientary