«Čałaviek Voli — va ŭsich sensach hetaha słova». Paŭłu Sieviaryncu — 46
Palityk Pavieł Sieviaryniec ciapier u škłoŭskaj kałonii. Heta jaho treci zapar dzień narodzinaŭ za kratami.
Maci palityka Taćciana Sieviaryniec zhadała, jakim byŭ dla Paŭła kaniec 2006 hoda. Jon tady adbyvaŭ chimiju ŭ vioscy Małaje Sitna (Połacki rajon).
«My z Kastusiom naviedali ŭ Viciebskim IČU Valeru Ščukina, pieradali jamu što z navahodnich prysmakaŭ, haziety, viarnulisia dadomu i narešcie datelilisia da Paŭła — byŭ u atačeńni achovy u Małasitnienskim internacie lashasa. Zachvalavałasia ja, sabrali, što było, i rvanuli na vakzał. Achova źjechała sustrakać NH pa damach, Paša byŭ adzin. Abniali našaha syna, noč čytali paštoŭki, jakija panaprychodzili jamu z usiaho śvietu, častavali damašnim, krychu prykarnuli, byli śviedkami strohaha vychavańnia Paŭłam Partyzana — zdarovaha błakitnaha kata, jaki «składaŭ» Paŭłu «kampaniju» na vysyłcy…
A Paša pracavaŭ, jak zaŭsiody, bo marnavać čas jon tak i nie navučyŭsia. Tady my mahli voś tak u noč rvanuć da syna, być ź im pobač… Zaraz toje niemahčyma.
Ale ja dumkami ŭvieś čas z taboj, moj luby synok, malusia za ciabie i dziakuju Hospadu, što Jon ciabie nam daŭ», — napisała ŭ fejsbuku Taćciana Sieviaryniec.
Žurnalistka Luboŭ Łuniova ŭspaminaje ŭ sacsietkach:
«Ja jaho pamiataju jašče studentam. I pamiataju, jak jaho, vydatnika, sprabavali adličyć z univiersiteta, a my chadzili da rektara, bo tady jašče heta mieła i sens i vynik…
Čaho tolki nie adbyłosia ad taho času!
Jość ludzi, ad jakich sapraŭdy idzie niejkaje śviatło. Paša zaŭsiody taki. A jašče ź jaho b vyjšaŭ cudoŭny piedahoh. Ja na svaje ŭłasnyja vočy bačyła, kolkim padletkam jon dapamoh utrymacca na darozie i nie zvalicca ŭ kanavu, kali ŭžo zusim vobrazna kazać».
«Čałaviek Voli — va ŭsich sensach hetaha słova», — napisaŭ pra Paŭła paet Uładzimir Niaklajeŭ.
Sieviarynca zatrymali ŭ červieni 2020 hoda. Letaś jaho asudzili na 7 hod za «padrychtoŭku da ŭdziełu ŭ masavych biesparadkach». Razam ź im sudzili błohiera Źmitra Kazłova, hramadskuju aktyvistku Irynu Ščasnuju, aktyvistaŭ «Jeŭrapiejskaj Biełarusi» Jaŭhiena Afnahiela, Paŭła Juchnieviča, Maksima Viniarskaha i Andreja Vojniča.
Adras dla listoŭ: PK № 17. 213004, h. Škłoŭ, vuł. 1-ja Zavodskaja, 8
-
Jarmošyna: Ja nie mahu padtrymać kult asoby Stalina. Siamja majho baćki była raskułačanaja, pałova zahinuła
-
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii
-
Nazirać za vybarami ŭ Biełaruś pryjedzie šviejcarac, jakoha na radzimie sudzili za falsifikacyju vybaraŭ
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii6
Kamientary