Lidskamu lekaru prysudzili try z pałovaj hoda kałonii za ŭdzieł u pratestach
U sudzie Lidskaha rajona 20 śniežnia vynieśli prysud pa kryminalnaj spravie miascovaha lekara-terapieŭta Andreja Kraśnika, abvinavačanaha pa šerahu pratesnych artykułaŭ. Spravu razhladaŭ sudździa Alaksandr Mišuroŭ, piša «Viasna».
Papiarednie było viadoma, što 55-hadovaha terapieŭta pryjomnaha pakoja Lidskaj haradskoj balnicy Andreja Kraśnika zatrymali za kamientary i łajki, jakija jon pakidaŭ u sacyjalnych sietkach jašče ŭ 2020 hodzie. Adnak paźniej jamu vystavili abvinavačańnie pa čatyroch artykułach Kryminalnaha kodeksa.
Pa materyjałach abvinavačańnia, mužčyna raźmiaściŭ publikacyi z abraźlivymi vykazvańniami i pahrozaj prymianieńnia hvałtu ŭ dačynieńni da Łukašenki, a taksama pryniziŭ paŭnamoctvy pradstaŭnika ułady — vajennaha kamisara Homielskaj vobłaści.
Akramia taho, jon nibyta «publikavaŭ na svajoj staroncy ekstremisckija paviedamleńni, nakiravanyja na arhanizacyju parušeńnia pracy transpartu, pradpryjemstvaŭ, ustanoŭ i arhanizacyj».
Kamientary