«Zvyčajnyja hramadzianie: ad piedahohaŭ da cełych redakcyj haziet». Minpracy padviało vyniki akcyi, jakoj źbirajecca ŭrazić AAN
Ministerstva pracy i sacyjalnaj abarony padviało vyniki zapuščanaj im akcyi ŭ padtrymku biełaruskich paralimpijcaŭ pad nazvaj «Nie padvojnym standartam Kanviencyi ab pravach invalidaŭ». Čynoŭniki hanaracca tym, što im za miesiac udałosia sabrać usiaho paŭsotniu praŭładnych rolikaŭ.
Akcyju zapuścili paśla taho, jak Mižnarodny paralimpijski kamitet za suahresiju suprać Ukrainy prypyniŭ členstva Biełarusi ŭ arhanizacyi i spartsmieny ź invalidnaściu stracili mahčymaść vystupać na mižnarodnych turnirach.
«Nieabyjakavym hramadzianam» prapanavali vykazać svajo abureńnie hetym rašeńniem. Usie achvotnyja mahli zapisać videazvaroty i adpravić spasyłku na ich u Minpracy i sacabarony.
Z 23 listapada, jak śćviardžajecca, čynoŭniki z usioj krainy atrymali bolš za 50 siužetaŭ. Zroblenaja z hetaha vysnova, što «biełarusy nie zhodnyja z rašeńniem Mižnarodnaha paralimpijskaha kamiteta», pakazała, pa słovach ministarki Iryny Kaścievič, «jak mocna našy ludzi hurtujucca ŭ ciažkija momanty, demanstrujuć svaju hatoŭnaść dapamahčy adstajać praŭdu».
Najbolš kaštoŭna, na dumku ministarki, tut toje, što ŭ akcyi pryniali ŭdzieł «zvyčajnyja hramadzianie: ad piedahohaŭ da cełych redakcyj haziet».
Sabranyja videasiužety źbirajucca nakiravać u Kamitet AAN pa pravach invalidaŭ, a taksama inšym mižnarodnym arhanizacyjam, jakija zajmajucca pravami čałavieka.
Varta adznačyć, što łukašenkaŭskija sudy, vynosiačy palityčna matyvavanyja prysudy, zusim nie biaruć pad uvahu ni stan zdaroŭja čałavieka, ni najaŭnaść u jaho invalidnaści. U turmach i kałonijach takija ludzi taksama časta nie majuć nijakich pasłableńniaŭ, ź ich niaredka tolki jašče bolš ździekujucca. A pratesty i prośby z boku tych samych arhanizacyj, da jakich łukašysty sami ciapier apielujuć, zvyčajna cynična ihnarujucca.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary
I nie maje nijakaha adroźnieńnia: ci heta paralimpijec, ci prykarytnik biez anijakich fizyčnych abmiežavańniaŭ!