Hałoŭnyja navahodnija hulańni projduć la Pałaca sportu i na Kastryčnickaj płoščy
Adbuducca jany i va ŭsich rajonach horada. Pra heta na pres-kanfierencyi «Jak Minsk sustrenie Novy hod i Kalady» 27 śniežnia raspavioŭ namieśnik staršyni Minharvykankama Arciom Curan, pišuć «Minsk-naviny».
— U navahodniuju noč asnoŭnyja haradskija mierapryjemstvy projduć la Pałaca sportu i na Kastryčnickaj płoščy, — skazaŭ A.Curan. — Na kirmašy la Pałaca sportu zapłanavany kancert «Škatułka žadańniaŭ», na jakim vystupiać biełaruskija artysty. Jon budzie doŭžycca da 4 hadzin ranicy 1 studzienia. Na Kastryčnickaj ža stvarać nastroj budzie fonavaja muzyka. Hetaja placoŭka padydzie dla amataraŭ bolš spakojnaha adpačynku.
A. Curan źviarnuŭ uvahu na toje, što narodnyja hulańni adbuducca i ŭ kožnym z rajonaŭ stalicy, tak što žycharam spalnych rajonaŭ nie pryjdziecca jechać u centr.
— Śviatočny kancert «Śviatło kaladnaj zorki» projdzie la Pałaca sportu 7 studzienia, — nahadaŭ namieśnik staršyni Minharvykankama. — Minčanie i hości stalicy pačujuć narodnyja pieśni i papularnyja estradnyja chity.
— Horad hatovy da śviataŭ, — adznačyŭ A.Curan. — Spadziajusia, žychary atrymajuć zadavalnieńnie ad naviedvańnia kirmašoŭ, kancertnych placovak i imprezaŭ niezaležna ad umoŭ nadvorja.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni11
Kamientary