Babrujskaha studenta asudzili na dva hady «chimii» za sarvany z kramy ściah
U sudzie Babrujskaha rajona i Babrujska vyniesieny prysud studentu-treciakurśniku BNTU Mikitu Malaru, abvinavačanamu ŭ apahańvańni dziaržaŭnych simvałaŭ (art. 370 Kryminalnaha kodeksa), piša «Viasna».
Spravu razhladaŭ sudździa Anton Dudal.
Pa materyjałach abvinavačańnia, 20-hadovy Mikita Malar razam ź siabram vosieńskim viečaram prahulvaŭsia pa Babrujsku i kala adnoj z kram naŭmysna, padskočyŭšy, rukoj schapiŭsia za pałotnišča ściaha Biełarusi, ustalavanaha na dreŭku ŭ mietaličnym kranštejnie, i ź siłaj paciahnuŭ jaho ŭniz. U vyniku čaho ściah razam z frahmientam dziaržała adłamaŭsia ad miesca macavańnia i ŭpaŭ na tratuarnuju plitku…
Zatym, utrymlivajučy ściah u rukach za dreŭka, abvinavačany prabieh nie mienš za 20 mietraŭ, razmachvajučy im. Na druhi dzień pałotnišča vykinuli na vulicu.
Dapytany ŭ sudovym pasiadžeńni abvinavačany svaju vinu pa pradjaŭlenym abvinavačvańni pryznaŭ častkova, paviedamiŭ sudu, što nie mieŭ namieru apahanić dziaržaŭny simvał.
Adnak sud, jaki adbyŭsia 25 listapada, pryznaŭ Malara vinavatym u ździeku sa ściaha i pryznačyŭ jamu pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu terminam na dva hady.
Miera strymańnia da ŭstupleńnia prysudu ŭ zakonnuju siłu była admienienaja, jaho vyzvalili z-pad varty ŭ zale suda.
Paźniej stała viadoma, što Mikita Malar nakiravany dla adbyćcia pakarańnia ŭ PUAT №6.
Adras dla listoŭ: PUAT-6, 225886, Bresckaja vobł., Kobrynski r-n, v. Łuščyki, vuł. Lasnaja, d. 14.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady35
Kamientary