Fiederacyja chakieja Biełarusi i minskaje «Dynama» majuć namier akazvać dabračynnuju dapamohu dzieciam, jakija pakutujuć na ciažkija zachvorvańni, zajaviŭ 15 kastryčnika na pres‑kanfierencyi ŭ Minsku kiraŭnik FCHRB Uładzimir Navumaŭ.
Jon paviedamiŭ, što ŭ fiederacyju trapili telesiužety, u jakich raskazvajecca ab dzieviaci dzieciach, što pakutujuć na ciažkija zachvorvańni. «Na praciahu siezona‑2009/2010 my pastarajemsia im usim akazać dapamohu, pravodzić u ich padtrymku roznyja akcyi», — skazaŭ Navumaŭ.
Dabračynnaja akcyja ŭ dapamohu adnamu ź dziaciej —
dvuchhadovamu ślapomu chłopčyku Vani Cedryku — adbudziecca 17 kastryčnika.
Uładzimir Navumaŭ i hałoŭny trenier «Dynama» i nacyjanalnaj zbornaj Biełarusi Hlen Chenłan projduć 30 km pa novaj viełasipiednaj trasie, prakładzienaj uzdoŭž Śvisłačy.
Akcyja pačniecca ŭ 9.00 kala Śviata‑Pakroŭskaj carkvy (praśpiekt Pieramožcaŭ, 82) i zakončycca ŭ 15.00 u rajonie Čyžoŭskaha vadaschovišča. Da ŭdziełu zaprašajucca ŭsie žadajučyja. U piaci punktach trasy budzie arhanizavany prodaž chakiejnaj atrybutyki i suvieniraŭ. Navumaŭ i Chenłan stanuć pieršymi pakupnikami firmiennych hulniovych majek (startavaja cana kožnaj 50 tys. rubloŭ).
Usie sabranyja ad prodažu hrošy pojduć na apłatu darahoj apieracyi.
Były ministr unutranych spraŭ Uładzimir Navumaŭ viadomy svaim chobi chadzić pieški na vialikija adlehłaści. U 2007 hodzie jon staŭ inicyjataram pachodu na 80 km uzdoŭž azior Narač i Miastra. Tady ŭdzieł u im uziali kalehi i padnačalenyja Navumava pa MUS, a taksama hałoŭny trenier biełaruskaj chakiejnaj zbornaj Kurt Frejzier. Viasnoj 2008 hoda byŭ arhanizavany druhi pachod — na 100 km u toj ža miascovaści. Paśla hetaha Navumaŭ zajaviŭ, što płanuje prajści pieški za piać dzion ad Bresta da Minska i ŭzdoŭž biełaruskaja miažy, ale ciapier płanuje ažyćciavić svaju zadumu paśla 65 hadoŭ (zaraz Uładzimiru Navumavu 53 hady).
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju21
Kamientary