Śviet11

U Čuvašyi zahareŭsia hazapravod, jaki pampuje haz u Jeŭrasajuz

U Čuvašyi zahareŭsia mahistralny hazapravod Urenhoj—Pamary—Užharad, pa jakim haz z Zachodniaj Sibiry praz Ukrainu pastaŭlajecca ŭ Jeŭropu. U rasijskim MNS paviedamili, što pažar na hazapravodzie pačaŭsia padčas praviadzieńnia płanavych ramontnych rabot. Ci pacierpiać ad avaryi pastaŭki jeŭrapiejskim spažyŭcam, pakul nieviadoma.

Vybuch i mocny pažar adbylisia na ŭčastku hazapravoda kala vioski Jambachcina ŭ Vurnarskim rajonie Čuvašyi. Pry vybuchu zahinuli try čałavieki, jašče adzin znachodzicca ŭ šokavym stanie, paviedamiŭ kiraŭnik Čuvašyi Aleh Nikałajeŭ.

U sacsietkach źjavilisia fota i videa vializnaha połymia pobač ź vioskaj. Šum ad pałajučaha hazu byŭ čutny za kiłamietry.

«Heta było strašniej, čym na videa. U vioscy Jambachcina da voknaŭ padyści było niemahčyma — usio haračaje było. Vybuch byŭ vielmi hučny. Supracoŭniki napałochalisia — u nas škoła i dziciačy sad pobač, jany pabiehli tudy na vypadak, kali evakujavać daviadziecca. Dziakuj bohu, abyšłosia», — raspaviała «RIA Naviny» kiraŭnica Kalininskaha sielskaha pasialeńnia Volha Śmirnova (u jaho skład uvachodzić vioska).

Urenhoj—Pamary—Užharad — heta pieršy transkantynientalny hazapravod, pabudavany ŭ 1983 hodzie dla pastavak u krainy Centralnaj i Zachodniaj Jeŭropy. Haz pa im idzie praz kantrolna-vymiaralnuju stancyju «Sudža» na miažy Ukrainy i Kurskaj vobłaści. U hety ž punkt prychodzić hazapravod «Prahres». Druhi ŭvachod va ŭkrainskuju hazatranspartnuju sistemu «Sachranaŭka», kudy idzie hazapravod «Sajuz», ciapier nie vykarystoŭvajecca. Nie pracuje i marski šlach pastaŭki hazu paśla vybuchaŭ na hazapravodach «Paŭnočny patok».

Što stała pryčynaj vybuchu ŭ Čuvašyi, pakul nie viadoma. Fakielnaje hareńnie hazu likvidavana, zajavili ŭ MNS.

Ci paŭpłyvaje avaryja na pastaŭki hazu ŭ Jeŭropu, taksama pakul nie zrazumieła. Choć haz u Jeŭropie ŭžo padaražeŭ, adznačaje vydańnie The Bell. Pakolki truba Urenhoj—Pamary—Užharad zabiaśpiečvaje pastaŭki praz adziny pakinuty ŭvachod dla tranzitu rasijskaha hazu ŭ Jeŭropu praz Ukrainu, biržavyja kaciroŭki na hazavym chabie TTF na naviny pra pažar u Čuvašyi padskokvali amal na 10%, potym skarektavalisia da 4%.

Pakul što pastaŭka hazu spažyŭcam praciahvajecca pa paralelnych hazapravodach, paviedamili ŭ TAA «Hazpram Transhaz Nižni Noŭharad» paśla vybuchu na mahistralnym hazapravodzie ŭ Čuvašyi.

«Transparciroŭka hazu spažyŭcam zabiaśpiečvajecca ŭ poŭnym abjomie pa paralelnych hazapravodach. Avaryjnaja bryhada TAA «Hazpram Transhaz Nižni Noŭharad» apieratyŭna prybyła na miesca zdareńnia i viadzie padrychtoŭku da adnaŭlenčych rabot. Pryčyny zdareńnia ŭstanović śpiecyjalna stvoranaja kamisija», — havorycca ŭ paviedamleńni kampanii.

Kamientary1

  • Vsio łohično
    20.12.2022
    Rieakcija na potołok cien na rośsijskij haz, priniatyj Zapadom ???
    Riešili vzryvať vnutri Rośsii, podryvov Sieviernych Potokov mało......
     A možiet podožhli, čtoby obieśpiečiť fiksirovannyje cieny na haz dla łukašienko i hołovčienko ???

Rasijski šachied vybuchnuŭ za 55 km ad Babrujska16

Rasijski šachied vybuchnuŭ za 55 km ad Babrujska

Usie naviny →
Usie naviny

Maładoj ajcišnicy pahražaje da dziesiaci hadoŭ kałonii za achviaravańni Ukrainie7

Pamior Michaił Vierhiejenka1

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva6

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →