Hramadstva99

«Čałaviek-pavuk — heta nie biełaruski hieroj». U dziciačych sadkach i škołach zabaranili śviatkavać Chełoŭin i apranać kaściumy zamiežnych hierojaŭ

U sacyjalnych sietkach byŭ apublikavany list adździeła adukacyi Žłobinskaha rajona, u jakim paviedamlajecca, što kiraŭniki ŭstanoŭ adukacyi pavinny pryniać «vyčarpalnyja miery pa niedapuščeńni prapahandy praviadzieńnia mierapryjemstvaŭ, jakija supiarečać tradycyjnym kaštoŭnaściam biełaruskaha naroda». Prykładami takich mierapryjemstvaŭ byli nazvanyja Dzień usich Śviatych i kaściumy hierojaŭ «Chahi vahi». Poŭny śpis zabaronienych u dziciačych sadkach i škołach śviataŭ i hierojaŭ žurnalist vydańnia «Fłahštok» pasprabavaŭ vyśvietlić u hałoŭnym upraŭleńni adukacyi Homielskaha abłvykankama.

Padčas zvanka va ŭpraŭleńnie žurnalist «Fłahštoka» nazvaŭsia baćkam dziciaci, jaki vučycca ŭ adnoj z homielskich škoł. Hałoŭny śpiecyjalist adździeła vychavaŭčaj i sacyjalnaj raboty Śviatłana Łučkova paćvierdziła, što zabarony sapraŭdy isnujuć. Ich padrabiaznaści baćkam pavinny raskazać padčas najbližejšaha baćkoŭskaha schodu. 

Pry hetym kankretnaha śpisu rekamiendacyj čynoŭnica ahučyć nie zmahła:

«Ja mahu vam skazać, što heta, viadoma ž, hieroi multfilmaŭ, jakija raspaŭsiudžanyja na ahulnanacyjanalnym telebačańni. Heta hieroi biełaruskich i ruskich narodnych kazak. Ale nie impartnyja hieroi, jakija nie adpaviadajuć biełaruskim kaštoŭnaściam. Čałaviek-pavuk — heta nie biełaruski hieroj».

Na ŭdakładniajučaje pytańnie ab tym, jakoje dačynieńnie da biełaruskich kaštoŭnaściaŭ majuć rasijskija hieroi, čynoŭnica paviedpmiła, što ŭ hetym vypadku havorka idzie pra hierojaŭ savieckich multfilmaŭ.

Čynoŭnica z upraŭleńnia adukacyi taksama paćvierdziła, što śviatkavańnie Chełoŭina ŭ biełaruskich škołach z hetaha času budzie zabaroniena:

«Chełoŭiny ŭ dziaržaŭnych ustanovach nie pravodziacca. U suviazi z tym, što ŭsio ž taki pravodzilisia Chełoŭiny, ale nie jak hramadskaje, hrandyjoznaje mierapryjemstva, pravodzić hetyja «śviaty» nie dazvolena».

Adkaznaść za praviadzieńnie zabaronienych śviataŭ i vybar «pravilnych» dziciačych kaściumaŭ, pa słovach čynoŭnicy, budzie ŭskładziena na kiraŭnikoŭ ustanoŭ adukacyi.

U liście, razasłanym Žłobinskim adździełam adukacyi, paznačana, što zabarona pravodzicca na padstavie daručeńnia Savieta Ministraŭ, zroblenaha 30 listapada 2022 hoda. A tamu da takich mier, jak vyhladaje, padšturchnuŭ danos sumna viadomaj hrodzienskaj aktyvistki Volhi Bondaravaj i inšych padobnych dziejačaŭ. Raniej prachodziła infarmacyja, što jana pačała vajnu z Chahi Vahi.

Kamientary9

  • Finally79
    20.12.2022
    Hdie-to my eto užie słyšali.

    "Siehodnia ty ihraješ džaz, a zavtraRodinu prodaš!"

    Idioty nieobučajemy. Tolko šahaja po stopam Kaddafi oni čto-to načinajut ponimať. No stanovitsia užie pozdno.

  • Vsiudu ivanuški
    20.12.2022
    Sovriemiennyj, biełorusskij hieroj v Biełarusi, s točki zrienija vłasti łukašienko - IVAN DURAK i jeho, mnohoviekovoje, associalnoje poviedienije !!!
     Ležať na pieči, ničieho nie diełať i ždať čuda v vidie svalivšiehosia na hołovu bohatstva, ili prosiť u zołotoj rybki (kłaśsičieskoje poviedienije jadiernoho elektorata łukašienko, hdie zołotaja rybka - sam łukašienko).
     Eto da, očień socialno i nravstvienno....
  • da čaho daviali krainu!!!
    20.12.2022
    Tam časam Kala piakarni na Rakaŭskaj u niepasrednaj blizkaści ad jeparchii pastavili jełku ź fihurami, jakija prapahandujuć nietradycyjnyja adnosiny: homapiedafiliju. I pieśnia ŭ ich jość pra błakitnych.

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Usie naviny →
Usie naviny

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →