Kultura22

Viadomy litoŭski tenar vystupiŭ u Minsku i vyklikaŭ skandał 

Viadomy litoŭski opierny salist Vajdas Višniaŭskas (Kryścijan Bieniedykt) 18 śniežnia vystupiŭ u Vialikim teatry Biełarusi. Jon vykanaŭ aryju Ateła ŭ adnajmiennaj opiery. U Litvie zadumalisia, nakolki pravilnaje rašeńnie tenara vystupić u Biełarusi, jakaja padtrymlivaje ŭvarvańnie Rasii va Ukrainu, piša Delfi.lt.

Fota: Delfi.lt

Pra vystup Kryścijana Bieniedykta ŭ Biełarusi ŭ fejsbuku paviedamiŭ hramadski dziejač Andrus Tapinas.

«Minsk Łukašenki. Niadziela, 18 śniežnia. U Vialikim teatry — hała-kancert. Sabralisia ŭsie viarški Łukašenki. Dyryžor Anton Hryšanin, zasłužany artyst RF, dyryžor Vialikaha maskoŭskaha teatra, hetym letam jon dyryžyravaŭ na hała-kancercie ŭ akupavanym Sievastopali (Krym) — aryja Ateła z opiery «Ateła». Vykanaŭca Kryścijan Bieniedykt. Litva», — abviaščajuć u zale. Apładysmienty. Naš viadomy tenar Kryścijan Bieniedykt, abo Vajdas Višniaŭskas, žvava vychodzić na scenu, ciśnie skryvaŭlenuju ruku rašysta Hryšanina i vykonvaje aryju Ateła. U mianie try pytańni da našaha tenara: — U vas nie ŭsio ŭ paradku z hałavoj? — Kolki vam pavinny byli zapłacić? — I jak być z aryjaj, jakuju Vy vykanali na 100-hodździe Litoŭskaj armii i padzialilisia miesiac tamu: «Nikoli nie addam maju Litvu», vinšujučy našu armiju, a praź miesiac užo na scenie ŭ Minsku z rašystami. Darečy, siońnia Minsk naviedvaje i Pucin, moža, z hetaj nahody taksama niejkaje pryvatnaje vystupleńnie arhanizujecie? Jamu, zdajecca, padabajecca opiera?»,— napisaŭ Tapinas.

Na sajcie biełaruskaha Vialikaha teatra ŭ prahramie Bieniedykta niama.

U paniadziełak Delfi nie ŭdałosia źviazacca z opiernym śpievakom.

Niadaŭna Bieniedykt u intervju Lrytas.lt raspaviadaŭ, što litoŭski Nacyjanalny teatr opiery i baleta jaho nie zaprašaje, tamu sioleta jon nie śpiavaje na scenie hetaha teatra. Hiendyrektar teatra Jonas Sakałaŭskas skazaŭ, što teatr nie suprać Višniaŭskasa. «My šmat hadoŭ zaprašali jaho, ale nie kožny siezon mohuć vystupać usie salisty, jakija hetaha chočuć. Akramia taho, hety siezon budzie bolš karotkim z-za rekanstrukcyi. U teatra jość prava vybirać salistaŭ», — skazaŭ hiendyrektar.

Hetaja navina ździviła i šakiravała ministra kultury Litvy Simonasa Kajrysa. «Navina niepryjemna ździviła. My skancentravana vyrašajem roznyja prablemy, źviazanyja z pryjezdam roznych vykanaŭcaŭ z Rasii <…>. Zajmajemsia inšym frontam, a tut taki ŭčynak pavažanaha Višniaŭskasa šakuje. Asabliva kali bačyš, što inšyja siektary kultury źbirajuć dapamohu dla Ukrainy …, a tut jechać u Minsk — heta vielmi drenna», — skazaŭ ministr.

Jon adznačyŭ, što Višniaŭskas — volnanajomny vykanaŭca. Kajrys skazaŭ, što litoŭskija arhanizatary pavinny ŭličyć hety momant i nie zaprašać Višniaŭskasa. «<…> Chaču zaŭvažyć, što Višniaŭskasa najmajuć, heta jaho vybar, u asnovie jakoha lažać maralnyja kaštoŭnaści, jaho empatyja ci jaje adsutnaść. Mnie vielmi škada <…>»,— skazaŭ Kajrys.

Kamientary2

  • Ałkadij
    19.12.2022
    Hnil cienit dieńhi. A pravitielstvo toj maleńkoj strany liciemierit. On svobodnyj ispołnitiel? Ja tak eto vižu: vtoraja mirovaja vojna, Hiermanija, koncłahieria i žiołtyje našivki na jevriejach (v RB eto našivka političieskoho zaklučionnoho) i amierikanskaja źviezda Fried Astier vystupajet pieried Hitlerom...
    Nie było takoho, a vot etot lituvis smoh. I tohda by smoh.
  • Vadia
    19.12.2022
    Puŝaj pojot tonkim hołosom. Možiet i splasať.Nie drova žie etoj tonkoj naturie rubiť? Da jeŝio i toporom...

Rasijski šachied vybuchnuŭ za 55 km ad Babrujska3

Rasijski šachied vybuchnuŭ za 55 km ad Babrujska

Usie naviny →
Usie naviny

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?6

Biełarusa zatrymali paśla adpačynku ŭ Italii3

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Hałoŭnaje
Usie naviny →