Uładalnik bara «Banki-butyłki» z žonkaj niekalki miesiacaŭ znachodziacca na «Vaładarcy»
Pra ich los paviedamlajuć pravaabaroncy.

3 žniŭnia na Zybickaj prajšoŭ vuličny kancert śpiavački Meryjem Hierasimienka na terasie bara «Banki-butyłki». Jana śpiavała pieśniu «Obijmi» hurta «Okiean Elzi» ŭ padtrymku Ukrainy. Śpiavačku zatrymali i dvojčy aryštavali na 15 sutak.
Na nastupny dzień paśla kancerta ŭ bar pryjšli pravierki z sanstancyi i MNS. A paźniej byŭ zatrymany ŭładalnik bara Andrej Žuk. Paźniej stała viadoma, što jaho aryštavali na 30 sutak. Z taho momantu jon nie vyjšaŭ na volu. Akramia taho, zatrymali i jaho žonku Maryju Žuk.
Pa papiaredniaj infarmacyi, Andreja i Maryju, jak i Meryjem, abvinavačvajuć pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak). Užo bolš za try miesiacy jany ŭtrymlivajucca ŭ SIZA-1. Data suda pakul nie pryznačanaja.
Adras dla listoŭ:
SIZA-1, Vaładarskaha, 2, Minsk, 220030
Maryja i Andrej Žuk
Meryjem Rašydaŭna Hierasimienka
«Spačatku zajšła sansłužba, paśla MNS, a potym — milicyja». Zatrymańni na Zybickaj paśla vykanańnia pieśni «Akijana Elzy» — što viadoma?
Kiraŭnik bara «Słoiki-Butelki», kala jakoha śpiavali «Obijmi», atrymaŭ 30 sutak
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Kamientary