Siem sposabaŭ zrabić małuju kvateru ščaślivaj. Rajać śpiecyjalisty pa psichičnym zdaroŭi

Kali vy žyviacie ŭ nievialikaj prastory, to heta zaŭsiody patrabuje kampramisaŭ. A ciapier, kali mnohija pracujuć z doma, asabistaja prastora moža zdavacca jašče ciaśniejšaj.

Patencyjnyja nastupstvy dla psichičnaha zdaroŭja ad pačućcia abmiežavanaści stali asabliva vidavočnymi padčas pandemii.

Kampaktnyja prastory mohuć vyklikać kłaŭstrafobiju abo stres, ale jany pry pravilnym padychodzie taksama mohuć supakojvać i stvarać adčuvańnie ŭtulnaści.

Chajmie Kurc, prafiesar psichałohii z Univiersiteta Džejmsa Medysana, adznačaje, što jak vid čałaviek raźvivaŭsia, žyvučy ŭ nievialikich chatach. My nie raźvivalisia ŭ damach płoščaj 300 kvadratnych mietraŭ.

U suviazi z hetym Washington Post piša pra navukova abhruntavanyja mietady pieratvareńnia ciesnaj prastory ŭ bolš ščaślivaje i zdarovaje miesca dla isnavańnia. Voś niekatoryja ź ich.

Bolš paradku

Adno z daśledavańniaŭ, apublikavanaje ŭ Current Psychology, dakazała, što žyćcio ŭ pamiaškańni, dzie niama paradku, pryvodzić da źnižeńnia pradukcyjnaści i chraničnaj prakrastynacyi.

Ačyścicie svoj dom ad lišnich, niepatrebnych rečaŭ i trymajcie ŭ domie paradak. Nadajcie raskładcy rečaŭ sistemnaści, maksimalna vykarystoŭvajcie prastoru viertykalna: naprykład, palicy. Šuflady i skryni, jakija źmiaščajucca pad meblaj, — taksama idealny varyjant, kali ŭ vas niama lišnich kvadratnych mietraŭ.

U kožnym razie, «čym mienš mituśni, tym bolš svabody, raptam vy možacie žyć efiektyŭniej», — kaža Kiendał-Takiet, aŭtar knihi «Dobra ŭparadkavany dom».

Akramia taho, prafiesar Kurc kaža: «Kali ŭ vas tak šmat rečaŭ, to ciažka canić kožnuju ź ich». Kali vy pakiniecie tolki toje, što vam sapraŭdy patrebna — budziecie bolš canić toje, što majecie.

Stvarycie miežy

Kali vy dzielicie chatu z kimści jašče, dyfieryncyrujcie svaju i čužuju prastoru, rajać psichołahi. Heta moža być zroblena šlacham prostaha raspaznavańnia i pavahi vyznačanych zon ŭ peŭnym pakoi abo pry dapamozie ŭstalavańnia pieraharodki dla pryvatnaści.

Akramia taho, kali vy razmaŭlajecie, naprykład, pa videasuviazi abo hladzicie videa — vykarystoŭvajcie navušniki.

Vykarystoŭvajcie koler u svaich intaresach

Na dumku ekśpiertaŭ pa psichičnym zdaroŭi, ahulnapryniataje mierkavańnie pra toje, što nievialikaja prastora zdajecca bolšaj, kali jana afarbavana ŭ śvietłyja kolery, u cełym praŭdzivaja, tamu što śvietłyja ścieny adlustroŭvajuć bolš śviatła i robiać pakoi bolš adkrytymi. Adnak heta nie značyć, što vam treba prytrymlivacca biełych ścien. Vybirajcie adcieńni koleraŭ, jakija mohuć zrabić prastoru bolšaj. Naprykład,

vykarystoŭvajcie bolš chałodnyja kolery, takija, jak lohkaje adcieńnie błakitnaha. Akramia efiektu pavieličeńnia pamieraŭ, bolš chałodnyja kolery dziejničajuć rassłablajuča.

A kali stol śvietłaha koleru, heta moža stvaryć adčuvańnie, što jana dalejšaja ad padłohi.

Kab rasstavić akcenty i zrabić prastoru bolš viasiołaj, vybierycie niekalki jarkich rečaŭ, takich, jak prykładam paduški. Navat adna takaja pryjemnaja reč u nievialikich pamiaškańniach moža mieć vialiki ŭpłyŭ.

Dadajcie lusterki

Lusterka — heta pravierany instrumient dla praniknieńnia śviatła i stvareńnia iluzii bolšaj prastory, asabliva kali ich paviesić nasuprać akna. Vyznačcie, dzie ŭ vašaj prastory vy mahli b dadać jašče adno ci dva.

Vybirajcie spakojnyja formy i pryjemnyja tekstury

Daśledčyki z Kitaja vyjavili, što «akruhlenyja abrysy i vyhnutyja linii, jak praviła, źviazany z pryjemnaściu i ščaściem», u toj čas jak «dyjahanalnyja i vuhłavyja kanfihuracyi, jak praviła, asacyjujucca z pahrozaj». Takim čynam, śpiecyjalisty rekamiendujuć inviestavać u kilimok z chvalistym dyzajnam, a nie ŭ niešta zanadta hieamietryčnaje.

Hetak ža vykarystańnie miakkaha tekstylu — naprykład, z aksamicistymi abo varsistymi pledami i paduškami — moža spryjać bolš rassłablalnaj abstanoŭcy, tamu što dakranańnie da miakkich pavierchniaŭ vyklikaje vykid aksitacynu.

Dadajcie dobryja vodary

Nasyčeńnie vašaha doma pryjemnym vodaram moža stvaryć badziory nastroj. Pavodle daśledavańniaŭ, praviedzienych u Iranie, karyca maje supraćzapalenčaje i antydepresiŭnaje dziejańnie, tamu pasprabujcie pavaryć u vadzie na plicie pałački karycy i apielsinavyja skurki. Abo prosta zapalicie ​​duchmianuju śviečku ci vykarystoŭvajcie raspylalnik z efirnym alejem.

Dadajcie trochi pryrody

Zhodna z daśledavańniem 2021 hoda, praviedzienym va ŭniviersitecie Konkuk u Karei, ludzi adčuvajuć značna bolš kamfortu, rassłableńnia i pazityŭnaha nastroju, kali hladziać na ​​sapraŭdnyja raśliny. Takim čynam, idealna, kali ŭ vas jość akno, ź jakoha bačnaja zialonaja zona. Ale vy taksama možacie ŭnieści trochi pryrody ŭ samo žytło z dapamohaj vazonaŭ. Dadatkovym plusam budzie toje, što sapraŭdnyja raśliny nasyčajuć pavietra kisłarodam.

Pavialičyć

Navat kali vy nie možacie dahladać sapraŭdnyja raśliny, navat prostaje ŭklučeńnie fatahrafij pryrody moža vyklikać pryjemny, spakojny nastroj, kažuć śpiecyjalisty. Hetak ža možna słuchać huki pryrody: naprykład, curčeńnie ručaja, šołach liścia, śpievy ptušak abo pierakočvańnie akijanskich chval.

Adno daśledavańnie, praviedzienaje va ŭniviersitecie Chiba ŭ Japonii, pakazała, što ŭździejańnie lasnych hukaŭ źnižaje aktyŭnaść simpatyčnaj niervovaj sistemy (jakaja vyklikaje reakcyju arhanizma, viadomuju jak «zmahajsia abo ŭciakaj») i sardečny rytm, adnačasova vyklikaje kamfortnyja, rassłablenyja adčuvańni i palapšaje nastroj. Mnostva prahram z mnostvam hukaŭ pryrody dastupnyja siońnia dla Android i iPhone, hetak ža, jak i ŭ Youtube.

• 58
• 4
• 0
• 0
• 4
• 9