Pinievič: Minzdaroŭja budzie manitoryć zarobki daktaroŭ, jakija atrymlivajuć nižej za 2300 rubloŭ
Takuju zajavu zrabiŭ siońnia ministr achovy zdaroŭja Dźmitryj Pinievič padčas respublikanskaha Dnia hałoŭnaha doktara ŭ Biełaruskim dziardžaŭnym miedycynskim univiersitecie.
Jon nahadaŭ, što pa daručeńni Łukašenki transfarmavalisia kavidnyja nadbaŭki, i zaraz usie miedyki atrymlivajuć dyfierencyravanyja dapłaty.
«Adnak i paśla ŭviadzieńnia hetych nadbavak my znoŭ, pa daručeńni Łukašenki, istotna pavysili zarpłaty ŭsim katehoryjam miedykaŭ. Ja viedaju, jak niekatoryja niehatyŭna adreahavali na maju zajavu pra siaredniuju zarpłatu pa krainie. Tamu anansuju: Ministerstva achovy zdaroŭja razam z prafsajuzam budzie analizavać usie ŭstanovy achovy zdaroŭja i vyjaŭlać tych daktaroŭ, u jakich zarobki nižejšyja za siarednija pa krainie. A heta, nahadaju, 2300 rubloŭ. My budziem raźbiracca, čamu tak zdaryłasia. Moža, miedyk svoječasova nie atrymaŭ katehoryju ci jość mahčymaść padpracavać u ramkach sumiežnaj śpiecyjalizacyi», — zajaviŭ Dźmitryj Pinievič.
Kamientary