Bolšaść z tych bartoŭ byli brazilskaj marki Embraer. A pryčyna viartańnia ich lizinhadaŭcu — irłandskaj kampanii Nordic Aviation Capital — była ŭ tym, što praz sankcyi brazilski avijavytvorca prosta nie daŭ «Biełavii» abnoŭlenuju bazu źviestak, bieź jakoj samaloty nie mohuć lotać.

Praz hod historyja atrymała praciah, a dakładniej — svajo łahičnaje zaviaršeńnie.

Adrazu try barty Embraer ERJ-195, jakija raniej naležali biełaruskamu avijapieravozčyku, byli pradadzienyja paŭdniovaafrykanskaj avijakampanii Airline.

Havorka pra Embraer ERJ-195 EW-532PO, jakoha Biełavija pazbyłasia 19 listapada 2021 hoda, EW-533PO — 24 listapada 2021 hoda i EW-545PO — 25 listapada 2021 hoda.

Usie try pierajšli ŭ vałodańnie Airline ź lipienia pa žnivień 2022 hoda i padnialisia ŭ pavietra ŭ kastryčniku 2022-ha.

Adpaviedna źmianilisia i ich rehistracyjnyja numary:

EW-532PO — ZS-YDA;
EW-533PO — ZS-YDB;
EW-545PO — ZS-YDC.

Ale samaje cikavaje, što novy ŭładalnik užo paśpieŭ nanieści na ich svaje łahatypy, a adzin pierafarbavać całkam. Acanić, jak vyhladaje łahatyp «Biełavii» razam z łoha avijakampanii, možna na fota:

Клас
3
Панылы сорам
0
Ха-ха
6
Ого
0
Сумна
0
Абуральна
1