Estonskaja čyhunačnaja kampanija nie budzie pieravozić hruzy ź Biełarusi
Estonskaja dziaržaŭnaja čyhunačnaja hruzavaja kampanija Operail z 1 studzienia 2023 hoda spynić pieravozku hruzaŭ ź Biełarusi i Rasii, piša vydańnie Railfreight.com.
Takoje rašeńnie ŭ Estonii pryniali paŭhoda tamu, ale spatrebiŭsia čas, kab znajści alternatyvu. U vyniku, stamiŭšysia čakać, na minułym tydni Operail raskrytykavaŭ kiraŭnik estonskaha MZS, zajaviŭšy, što kampanija zrabiła «nieetyčny vybar». Heta prymusiła Operail paskorycca.
«U mai było pryniata rašeńnie spynić usie ździełki, źviazanyja z Rasijaj i Biełaruśsiu, ale spatrebiŭsia čas, kab realizavać hety płan. U śniežni było pryniataje rašeńnie, što pierachodny pieryjad skončycca 1 studzienia 2023 hoda», — patłumačyli ŭ kampanii.
Admova ad rasijskich i biełaruskich pieravozak kaštavała Operail surjoznych strataŭ: kampanija ŭžo straciła 50 pracentaŭ abjomaŭ. Praź źnižeńnie abjomaŭ hruzapieravozak kampanii daviałosia zvolnić kala 100 supracoŭnikaŭ.
Kamientary