Brytanskaja raźviedka: Pres-kanfierencyju Pucina mahli admianić z-za bojazi antyvajennych nastrojaŭ
Vajskovaja raźviedka Ministerstva abarony Vialikabrytanii ŭ svaim štodzionnym ahladzie śćviardžaje, što skasavańnie vialikaj pres-kanfierencyi prezidenta Rasii nibyta moža być źviazanaja z zaściarohami «niesankcyjanavanaha abmierkavańnia» vajny va Ukrainie.
Napiaredadni Kreml abviaściŭ, što prezident Uładzimir Pucin nie budzie pravodzić svaju štohadovuju vynikovuju pres-kanfierencyju. Heta zdarycca pieršy raz za 10 hadoŭ.
Pres-kanfierencyja stała važnaj častkaj pucinskaha kalendara hramadskich mierapryjemstvaŭ i časta vykarystoŭvałasia jak mahčymaść prademanstravać mierkavanuju adkrytaść Pucina, choć pytańni chutčej za ŭsio praviarajucca zahadzia, nahadvajuć aŭtary zvodki.
Brytanskaja raźviedka miarkuje, što admiena, vierahodna, źviazana z zaściarohami nakont rostu antyvajennych nastrojaŭ u Rasii. Aŭtary zvodki pry hetym nie tłumačać, na čym zasnavany takija vysnovy, a rasijskaja vajskovaja sacyjałohija nie fiksavała rezkaha rostu kolkaści praciŭnikaŭ vajny.
Kramloŭskija čynoŭniki amal napeŭna vielmi chvaravita staviacca da mahčymaści taho, što luboje mierapryjemstva, na jakim budzie prysutničać Pucin, moža być vykarystana dla niesankcyjanavanaha abmierkavańnia «śpiecyjalnaj vajennaj apieracyi», robiać jašče adnu zdahadku aŭtary štodzionnaha ahladu.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary