Roznych naboraŭ Lego ź fihurkami ludziej i žyvioł - bieźlič. Jak padałosia, absalutna pieravažajuć siarod ich fihurki piersanažaŭ zachodniaj maskultury - hierojaŭ i piersanažaŭ kino, mulcikaŭ, kamputarnych hulniaŭ i h.d. I ŭ bolšaści ich - niehatyŭny albo niepryjemny vyraz tvaru - zły, ahresiŭny, žorstki, ździeklivy, razhubleny, nierašučy, skieptyčny i h.d. Jość nabor piersanažaŭ "tupoj" siamiejki Simpsanaŭ. Niejtralna-pazityŭny vyraz tvaru pieravažaje ŭ fihurak z naboraŭ, pryśviečanych roznym prafiesijam, jakich niašmat. Nu a pryjemna-pazityŭnych i "niašniach" piersanažaŭ zusim niešmat, heta, ŭ pryvatnaści, fihurki hierojaŭ roznych dyśniejeŭskich mulcikaŭ.

Asabliva źviarnu ŭvahu na prysutnaść u niekatorych naborach adnaznačna niehatyŭna-destruktyŭnych vobrazaŭ ciapierašniaj maskultury Zachadu: fihurak ź jaŭnymi prykmietami "homa-" i "transhiendernaści", pryčym u niekatorych ź ich  - niepryjemnaja dźvuchsensoŭnaja mimika, i taksama fihurak zombi.

Nu i, mahčyma, viaršynia "destruktyŭnaści" ŭ naborach Lego na sioniašni dzień (z taho, što pabačyŭ) - vialiki nabor pad nazvaj "Welcome to Apocalypseburg" -  "Zaprašajem u horad apakalipsisu".

Takim čynam atrymlivajecca, što u dadzienym vypadku haspadzin Poŭny źviarnuŭ uvahu na sapraŭdnuju prablemu, voś tolki jana tyčycca nie samaho kanstruktara Lego, a peŭnych naboraŭ ź fihurkami i peŭnych piersanažaŭ. Heta značycca baćkam pry nabyćci hetaj cacki dla dziaciej varta być vielmi ŭvažlivymi.