Hramadstva

Biełaruskuju vakcynu ad kavidu pačnuć vypuskać u studzieni, ale patreba ŭ joj užo minuła

U 2023 hodzie ŭ Biełarusi vypuściać ajčynnuju vakcynu ad karanavirusa, ale patreba ŭ joj užo nievialikaja, skazaŭ ministr achovy zdaroŭja Dźmitryj Pinievič ŭ efiry «Biełaruś 1».

Dźmitryj Pinievič

Na pradpryjemstvie «BiełVitunifarm» pačynajecca vytvorčaść dośledna-pramysłovaj partyi ajčynnaj vakcyny ad karanavirusa.

«Jana vyjdzie ŭ studzieni. U poŭnaj miery hety preparat pavinien prajści ŭsie vidy kantrolu, — zajaviŭ Dźmitryj Pinievič. —

U nastupnym hodzie vakcyna budzie vypuščanaja ŭ abarot. Inšaje pytańnie (ja ŭ hetym praktyčna ŭpeŭnieny) — takaja vakcyna suprać kavidnaj infiekcyi ŭžo nie budzie zapatrabavanaja ŭ poŭnaj miery».

Hetaje pytańnie stajała jašče ŭ pačatku zapusku prajekta, adznačyŭ kiraŭnik Ministerstva achovy zdaroŭja, ale ŭdakładniŭ, što važna było stvaryć svaju vakcynu jak indykatar nacyjanalnaj biaśpieki. Akramia taho, «važna stvaryć płatformu, jakaja zmoža rabić vakcyny suprać hrypu, inšych vidaŭ uzbudžalnikaŭ», ličyć Dźmitryj Pinievič.

U pieršuju čarhu patreba va ŭłasnaj vakcynie źmienšyłasia ŭ suviazi z tym, što ŭ Biełarusi sfarmiravana imunnaja prasłojka, ciapier, pa aficyjnych źviestkach, 72% nasielnictva krainy pryščeplena ad karanavirusa.

Pytańni da metazhodnaści stvareńnia ŭłasnaj vytvorčaści vakcyny ad karanavirusa ŭźnikali i raniej. Pa-pieršaje, tamu što budaŭnictva novych cechaŭ i raspracoŭka preparata abychodziacca daražej, čym pakupka jaho ŭ inšych krainach. Pa-druhoje, heta zajmaje tak šmat času, što

da momantu hatoŭnaści preparata pandemija paśpieła prajści, a ŭ Biełarusi, jak i płanavałasia pieršapačatkova, sfarmiravaŭsia kalektyŭny imunitet. Ale na abaviazkovym vypusku ŭłasnaj vakcyny ŭ svoj čas kateharyčna nastojvaŭ Łukašenka, a čynoŭniki jamu nie piarečać.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

Tramp aficyjna pryniaŭ naminacyju kandydata ŭ prezidenty ad Respublikanskaj partyi

Ajcišnika z A1 buduć sudzić za danaty. Jamu pahražaje da 10 hadoŭ kałonii

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →