Ministr abarony Rasii Siarhiej Šajhu (u centry) i načalnik Hienštaba Rasii Valeryj Hierasimaŭ (praviej ad jaho). Fota: pres-słužba prezidenta Rasii

Ministr abarony Rasii Siarhiej Šajhu (u centry) i načalnik Hienštaba Rasii Valeryj Hierasimaŭ (praviej ad jaho). Fota: pres-słužba prezidenta Rasii

«Naša armija pierajšła da stratehičnaj abarony», — zajaviŭ Ihar Hirkin (Strałkoŭ) u svaim videastrymie 8 śniežnia. Ën nazvaŭ biessensoŭnaj pabudovy «linii Suravikina» ź bietonnych piramidak i rvoŭ, jakaja maje strymać nastup ukrainskich vojskaŭ.

«Tak vojny prajhrajuć, a svaju krainu spuskajuć va ŭnitaz», — zajaviŭ pałkoŭnik zapasu Fiederalnaj słužby biaśpieki i kamandzir sił, jakija ŭ 2014 hodzie zachapili Danieck i Łuhansk, «ministr abarony» ŭtvoranych na zaniatych terytoryjach maryjanietkavaj «Danieckaj Narodnaj Respubliki».

«Ja baču hłuchuju i pasiŭnuju abaronu i nadzieju adsiedziecca za joju», — kaža Hirkin. Ën ličyć, što takaja stratehija pamyłkovaja i niebiaśpiečnaja dla Rasii.

Na dumku Hirkina, kali vajna zaciahniecca, u Rasii pačnie narastać hramadska-palityčny kryzis, anałahičny tamu, jaki pryvioŭ da lutaŭskaj revalucyi 1917 hoda.

Rasijski biznes užo źmiryŭsia z tym, što hetaja vajna budzie prajhranaja i maralna hatovy da źmieny režymu, kaža Hirkin. Na dumku Hirkina, u vypadku parazy ŭ hetaj vajnie ŭ Rasii ŭstanovicca padkantrolny Zachadu režym, a nacyjanalnyja respubliki vyjduć sa składu fiederacyi.

Hirkin nie bačyć pieradumoŭ dla pierachopu rasijskaj armijaj inicyjatyvy. «U armii panuje apatyja, tam nie razumiejuć, za što my vajujem. Apatyja pieradajecca mabilizavanym», — niekalki razoŭ paŭtaryŭ Hirkin. «Najlepšyja siły i kadry rasijskaj armii ciapier — heta PVK «Vahnier», — skazaŭ Hirkin. Ale jany, pa jaho słovach, «stočvajucca» pad Bachmutam.

Hirkin zajaviŭ, što nie choča ŭstupać u častki «Vahniera», nie viedaje metaŭ palityčnaj nadbudovy, jakaja ŭźnikaje pry hetaj PVK. «Vajavać u struktury, mety jakoj mnie nieviadomyja, ja pabojvajusia», — skazaŭ Hirkin.

Pałkoŭnik-błohier nie vieryć u efiektyŭnaść novaha nastupu z terytoryi Biełarusi, kali taki zdarycca, bo Ukraina ciapier užo čakaje i hatovaja da ataki na hetym kirunku.

«Karystajučysia lasista-bałocistaj miascovaściu na Paleśsi, ukrainskaja armija ŭciahnie tam … vojski ŭ ciažkija bai miascovaha značeńnia».

Hirkin rezka asudziŭ razmovy pra vykarystańnie jadziernaj zbroi. Ën upeŭnieny, što heta pryviało b da katastrofy dla Rasii.

Hirkin abrynuŭsia na kiraŭnictva rasijskaj armii, nazvaŭ jaho absalutna biazdarnym.

«Vyklučnaje spałučeńnie durnia, złodzieja i paskudy, tupoha jak korak, voś u nas na pasadzie ministra abarony», — tak acharaktaryzavaŭ jon ministra abarony Rasii Siarhieja Šajhu.

Hirkin ličyć, što «prezident [Pucin] samaŭchiliŭsia ad kiraŭnictva vajennaj apieracyjaj».

Pałkoŭnik zajaviŭ, što ŭ hetym strymie «nahavaryŭ na kryminalnuju spravu».

Клас
84
Панылы сорам
5
Ха-ха
97
Ого
9
Сумна
4
Абуральна
14