«Ideołahi — heta nahladčyki. Tamu imi tak časta staviać kadebistaŭ»
Błohier Andrej Pavuk, jaki telefanuje biełaruskim čynoŭnikam i trolić ich, u hutarcy «Tok» raspavioŭ, što samaja bieznadziejnaja kasta pradstaŭnikoŭ ułady — heta ideołahi.
Ci nie na kožnym dziaržaŭnym pradpryjemstvie i ŭ arhanizacyi łukašenkaŭski režym stavić tak zvanych ideołahaŭ. Pavuk havoryć, što ź ludźmi na hetaj pasadzie naładzić kamunikacyju niemahčyma.
Naprykład, u Akciabrskim rajonie hałoŭny ideołah Uładzimir Jelisiejeŭ. «Nu jak ty ź im naładziš razmovu? Nu nijak. Nie choča jon ničoha havaryć, saromiecca jon.
Navat kali z «Biełsata» pryjazdžali, zachodzili da jaho ŭ kabiniet, pytalisia: «Heta vy Uładzimir Jelisiejeŭ?». Jon adkazaŭ: «Nie». Voś takija ideołahi».
Cens takoj kolkaści ideołahaŭ i ich pracy Pavuk tłumačyć tak: «U turmie jość nahladčyki. Ideołahi zajmajucca tym ža.
Kali niechta vysunuŭ hałavu ci padniaŭ, treba fjuć jaje, nu albo apuścić hetu hałavu ŭ hetu masu.
Nichto nie pavinien vytyrkacca. Jany nazirajuć za tym, jaki nastroj u hramadstvie. Potym dakładvajuć kamuści, što tak i tak, kali ŭ ich nie atrymałasia na miescy z hetym spravicca.
Heta nadziralniki. Tamu na ich miescy tak časta kadebešnikaŭ staviać».
Całkam hutarku hladzicie tut:
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary