Jakasny son dobra ŭpłyvaje na zdaroŭje i nastroj. Mała chto viedaje, što snu škodzić viačerniaje pierajadańnie. Jakija pradukty čaściej za ŭsio vyklikajuć prablemy sa snom?
Viadomy bijołah Biendžamin Bikman nazyvaje pierajadańnie viečaram adnoj z samych častych pryčyn drennaha snu. Viačera ci pierakus niepasredna pierad snom stymulujuć simpatyčnuju niervovuju sistemu, jakaja mabilizuje arhanizm da dziejnaści. U toj ža čas parasimpatyčnaja niervovaja sistema, jakaja adkazvaje za rełaksacyju, nie moža narmalna funkcyjanavać, i tak my sabatujem jaje pracu, tłumačyć onet.pl.
Padčas pryniaćcia ježy tempieratura cieła pavyšajecca, i heta pakazvaje na toje, što arhanizm pracuje nad stravavańniem. U takich umovach ciełu składaniej rassłabicca. Akramia taho, kali pierad snom źjeści niešta sałodkaje, heta pavysić uzrovień hlukozy ŭ kryvi, što vykliča pačaščeńnie pulsu, niespakoj i pavyšany kryviany cisk. Ludzi časta vinavaciać u hetych simptomach stres, ale nasamreč jany časta źviazanyja ź viačernim pierajadańniem.
Pavodle Bikmana, padčas viačery my pavinny prytrymlivacca troch praviłaŭ. Varta paźbiahać prostych vuhlavodaŭ (pierš za ŭsio heta słodyč, sadavina, jahady, cukar i miod), vybirać bahatyja na białki pradukty i nie bajacca ježy, što źmiaščaje tłuščy. Akramia taho, Bikman raić viačerać nie paźniej čym za try-čatyry hadziny da snu.
Varta pamiatać i pra inšyja sposaby palepšyć jakaść načnoha adpačynku. Pierš za ŭsio, viečaram varta rassłabicca, i ŭ hetym vam mohuć dapamahčy ciopłaja vanna, spakojnaja muzyka i apyrskvańnie paduški efirnym alejem nakštałt łavandavaha. Važna i kab ciełu było ciopła: nakryvacca dźviuma koŭdrami adrazu ci koŭdraj i pledam na nohi — narmalna. Pasprabujcie taksama zajmacca viečaram johaj ci miedytacyjaj.
Čytajcie taksama:
Na śpinie, žyvacie ci na baku? Navukoŭcy nazvali najlepšyja pozy dla snu
Ci karysna spać u škarpetkach? Doktar nie sumniajecca
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
Lev i sobačka ,čiełoviek i dažie moj popuhaj,vsie vzdriemnuli by ,ieśli budiet vozmožnosť .
Pochožie na prirodoj załožienyj riefleks.
A biołoh sčitajet počiemu to naoborot .
Pomniu pri kommunistach vsie pisali ,čto jajca kušať vriedno ))