Haspadar z Astravieččyny atrymaŭ mižnarodnuju ekałahičnuju premiju
Dniami Alaksandr Daraševič, haspadar chutara Kamaryški, što na Astravieččynie, atrymaŭ siertyfikat pieramožcy mižnarodnaj premii «Enierhietyčny hłobus». Tak žury adznačyła prajekt pa vyrabie i ŭstanoŭcy kałod dla pčoł. Uračystaje ŭznaharodžańnie zładzili ŭ sos-vioscy ŭ Baraŭlanach, paviedamlaje «Rehijanalnaja hazieta».
«Naša ahraekasiadziba arhanizoŭvaje i ŭdzielničaje ŭ mnohich prajektach, nakiravanych na zachavańnie bijaraznastajnaści. Heta značyć, my ŭdzielničajem u rašeńni zadač, nakiravanych na ŭstojlivaje raźvićcio. Adzin z prajektaŭ — heta vyrab i ŭstanoŭka kałod dla pčoł, albo bortnictva, jakoje ŭniesiena ŭ suśvietnuju spadčynu.
My ličym, što ŭnikalnaść našaha prajekta ŭ tym, što pamianiany pryjarytety. Bortnictva — promysieł, nakiravany na atrymańnie ekałahičnaha praduktu — miodu. A naša meta — stvareńnie ŭmoŭ dla žyćcia dzikich pčoł. Kali jany zasialilisia ŭ kałody, usio dla ich spryjalna i jość liški miodu, to jany im z nami padzielacca», — tak apisaŭ svoj prajekt Alaksandr Daraševič.
Suśvietnaja premija za ŭstojlivaje raźvićcio «Enierhietyčny hłobus» («Energy Globe») na siońnia źjaŭlajecca samaj viadomaj ekałahičnaj premijaj va ŭsim śviecie, zasnavanaj amierykanskim ahienctvam Arthur D. Little.
Dla ŭdziełu ŭ joj možna pradstaŭlać prajekty, jakija abaraniajuć naša navakolnaje asiarodździe. Udzielničajuć pryvatnyja asoby, kampanii i NDA. Udzieł biaspłatny.
Usie prajekty mohuć razhladacca jak na nacyjanalnaj, tak i na hłabalnaj asnovie. Prajekt pra bortnictva pieramoh na nacyjanalnaj asnovie.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie5
Kamientary