Kino

Hety film staŭ samym papularnym na biełaruskim niezaležnym kinafiestyvali

Kinafiestyval «Paŭnočnaje źziańnie» padvioŭ vyniki sioletnich pakazaŭ.

Fota: skrynšot kadra ź filma «U adzinočku»

Poŭnyja zały

Fiestyval upieršyniu pakazvaŭ usiu prahramu online biaspłatna. Dla prahladu filmaŭ treba było tolki zarehistravacca na sajcie. U vyniku 2 094 čałavieki zarehistravalisia na płatformie. 

8 703 prahlady filmaŭ i iventaŭ «Źziańnia» — stolki zafiksavali sioleta. Adnak pa dośviedzie praviadzieńnia kinafiestyvalu online ŭ minułyja hady arhanizatary adznačajuć, što nazvać dakładnuju ličbu niemahčyma, bo mnohija hladziać fiestyvalnyja filmy doma ź siabrami ci ź siamjoj. Tamu vynikovuju kolkaść prahladaŭ možna pavialičvać u niekalki razoŭ. 

Hladzieli kino čaściej ź Biełarusi, a taksama z Polščy, Litvy, Hruzii, Hiermanii.

Sioleta «Paŭnočnaje źziańnie» viarnułasia častkova offline paśla vymušanaha pierapynku praz pandemiju i represii. Pakazy filmaŭ biełaruskich režysioraŭ («Kali kvietki nie maŭčać», «Mara») i śpiecyjalnaja panelnaja dyskusija «Jak doma» prajšli ŭ Talinie dziakujučy supracy «Paŭnočnaha źziańnia» z Talinskim kinafiestyvalem «Ciomnyja nočy». U Vilni adbylisia pakazy filmaŭ «Kraj śvietu», «Shirey Mara» i «Mara» pry padtrymcy kinacentra Skalvija. Dziakujučy hetamu, filmy pra Biełaruś mahli ŭbačyć nie tolki biełarusy, ale i zamiežniki. Na pakazach fiestyvalnych stužak usie miescy byli zaniatyja. 

Pieramožca Biełaruskaha konkursu «Paŭnočnaha źziańnia»

Na praciahu kinafiestyvalu filmy biełaruskaj prahramy ahladała mižnarodnaje žury, u składzie jakoha byli režysior i scenaryst Sakarys Stora (Farerskija astravy), pradziusarka Natalla Libet (Ukraina), akciorka, piśmieńnica i režysiorka Pamieła Toła (Finlandyja). Pieramožcam Biełaruskaha konkursu jany pryznali film «Mara» Sašy Kułak.

«Heta ŭnikalny i pryhožy film, u jakim dakumientalny apovied spałučajecca z fantazijaj, kab daśledavać vielmi aktualnuju i važnuju temu. Heta nie tolki ahučvańnie niespraviadlivaści, ale i prastora dla ŭjaŭleńnia», — kamientuje svoj vybar mižnarodnaje žury.

Samy papularny film

Pa kolkaści prahladaŭ na płatformie kinafestu samym papularnym filmam staŭ «U adzinočku». Jaho hladzieli 376 razoŭ. Heta stužka Biełaruskaha Svabodnaha teatra (Mikałaj Chalezin, Natalla Kalada, Endru Śmit), u jakoj hałoŭnym hierojem staŭ Andryj Chłyŭniuk, salist chip-chop— i rok-hurta «Bumboks». U filmie jon namacvaje šlach, jak vykazvać svaju palityčnuju pazicyju ŭłasnaj aŭdytoryi, paralelna naviedvaje śpiektakli Biełaruskaha Svabodnaha teatra dy razvažaje pra Biełaruś i pra mahčymaść pratesnaj tvorčaści.

«My budziem praciahvać zastavacca fiestyvalem z nardyčnym i bałtyjskim vajbam, ale i ź vielmi vialikim biełaruskim kampanientam», — adznačaje zasnavalnica i dyrektarka «Paŭnočnaha źziańnia» Vola Čajkoŭskaja.

Padtrymać «Paŭnočnaje źziańnie» možna danatami.

Kamientary

Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii2

Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii

Usie naviny →
Usie naviny

U Dźvinie zavialisia mieduzy, a ŭ minskim vadajomie — amierykanskija pałasatyja raki

U Hiermanii źnik 22-hadovy biełarus

Było 430 tysiač — stała 90 tysiač. Jak pa darozie ź Jeŭrasajuza ŭ Biełaruś mašyny hublajuć sotni tysiač kiłamietraŭ prabiehu7

U Biełarusi sabralisia budavać jašče adzin celułozna-kardonny kambinat2

U Minsku pryhatavali biaspłatnaje 30-mietrovaje buryta5

Kubrakoŭ adpraviŭ na miažu z Ukrainaj AMAP i ŭnutranyja vojski — «kab nie dapuścić praryvu USU»29

Začynić vokny, nie kuryć, nie jeści tłustaje. Minski centr hihijeny raskazaŭ, što rabić, kali na vulicy smoh

U Čyžoŭskim vadaschoviščy vyłavili 15-kiłahramovaha soma. Rybinu dahaniali na matory

Pomnik na mahile mastački Aleny Kiš imkliva razburajecca3

bolš čytanych navin
bolš łajkanych navin

Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii2

Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii

Hałoŭnaje
Usie naviny →