Aleś Bieły praviadzie ekskursiju pa «biełaruskich» vulicach Tel-Aviva
16 śniežnia, u piatnicu, a 10-j hadzinie ranicy viadomy historyk Aleś Bieły, jaki ciapier žyvie ŭ Izraili, praviadzie ekskursiju «Pa «biełaruskich» vulicach Tel-Aviva».
Vychadcy z sučasnaj terytoryi Biełarusi adyhrali važnuju rolu ŭ historyi jak Izraila ŭ cełym, tak i kankretna Tel-Aviva. Tak, ideja zasnavańnia horada naležyć uradžencu Hrodna Akivie Arje Vajsu, a ideja nazvać jaho Tel-Avivam, pavodle pierakładu nazvy na iŭryt ramana Hiercla «Staraja Novaja ziamla» — Mienachiemu Šejnkinu ź ciapierašniaha Biešankovickaha rajona.
Vychadcy ź Biełarusi byli i prezidentami, i premjer-ministrami Izraila, viadomymi litaratarami, žurnalistami, navukoŭcami, dziejačami kultury. Ničoha dziŭnaha, što šmat vulic, płoščaŭ, parkaŭ Tel-Aviva nazvana ŭ ich honar. Asabliva husta jany sustrakajucca abapał vosi vulic Bahrašoŭ — bulvar Biencyjon — Marmarek u paŭdniovaj častcy horada.
Viadomy historyk Aleś Bieły, jaki ź viasny žyvie ŭ Izraili, prapanuje prajścisia ŭzdoŭž niekatorych ź ich i ŭspomnić pra «biełaruski» ŭkład u historyju Izraila.
Čas zboru — 16 śniežnia, 10-ja hadzina. Miesca zboru — płošča Bialika. Praciahłaść ekskursii — kala 1,5 hadziny.
Achviaravańni viadoŭcu vitajucca.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary