Aŭtadylery kitajskaj marki ŭ Biełarusi admovilisia pradavać mašyny pakupnikam z Rasii: jany prapanujuć spačatku aformić aŭtamabili na miascovych žycharoŭ.
Z takoj prablemaj sutyknuŭsia karespandent Autonews pry sprobie nabyć aŭtamabil Geely ŭ Minsku. U jakaści pakupki razhladalisia krasoviery Coolray abo Atlas Pro.
Adnak mieniedžar adnaho z dylerskich centraŭ admoviŭsia afarmlać damovu kupli-prodažu na rasijski pašpart. Jon prapanavaŭ adzinaje, pavodle jaho słoŭ, vyjście: znajści čałavieka ź biełaruskim dakumientam i napačatku aformić mašynu na jaho.
Ab pryčynach takich abmiežavańniaŭ pradaviec raskazać nie zmoh. U jašče adnym dylerskim centry Geely, kudy karespandent źviarnuŭsia pa telefonie, paviedamili, što rasijaninu mašynu pradaduć, ale dla hetaha treba pryjechać asabista, kab «vyrašyć pytańnie z afarmleńniem na miescy».
Aficyjny pradstaŭnik kitajskaj kampanii ŭ Rasii, da jakoha źviarnuŭsia karespandent Autonews, prakamientavać hetuju situacyju nie zmoh.
U Minsku madeli Geely, jakija cikavili žurnalista, kaštujuć na niekalki tysiač dalaraŭ tańniej, čym u Maskvie.
-
Było 430 tysiač — stała 90 tysiač. Jak pa darozie ź Jeŭrasajuza ŭ Biełaruś mašyny hublajuć sotni tysiač kiłamietraŭ prabiehu
-
U Kalinkavičach pradajuć 34-hadovy Falksvahien Pasat ažno za $10 tysiač. U čym prykoł?
-
«Ja ŭ adčai». Biełarus, jakomu Litva nie addaje kupleny aŭtamabil, pačaŭ haładoŭku ŭ Kłajpiedzie
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?9
Kamientary