Łukašenka i Pucin parazmaŭlali pa telefonie. Damovilisia pra čarhovuju sustreču
Siońnia adbyłasia telefonnaja razmova Łukašenki i Pucina. Padrabiaznaści paviedamiŭ «Puł Pieršaha».
Jany abmierkavali paradak dnia samitu Jeŭrazijskaha ekanamičnaha sajuza ŭ Kyrhyzstanie.
Taksama abmierkavali mižnarodny paradak dnia i abstanoŭku, kaardynacyju sumiesnych dziejańniaŭ.
Paviedamlajecca, što byli abhavorany i važnyja pytańni dvuchbakovaha ŭzajemadziejańnia — impartazamiaščeńnie, realizacyja sajuznych prahram.
Asobnuju ŭvahu nadali supracoŭnictvu ŭ humanitarnaj śfiery, u pryvatnaści navucy. Alaksandr Łukašenka i Uładzimir Pucin damovilisia na praciahu hoda na bazie Akademii navuk arhanizavać i pravieści Kanhres maładych vučonych Biełarusi i Rasii ŭ raźvićcio niadaŭniaj sustrečy Pucina z navukoŭcami ŭ «Siryusie» i na bazie napracavanaha ŭ Biełarusi vopytu (naprykład, maštabny prajekt «100 idej dla Biełarusi»).
Taksama jany vyznačyli i hrafik dalejšych kantaktaŭ, damoviŭšysia pravieści ŭ śniežni sustreču dla abmierkavańnia praktyčnych pytańniaŭ realizacyi sajuznaha budaŭnictva i ekanamičnych pytańniaŭ, paviedamlaje «Puł Pieršaha».
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?40
Kamientary