Byłaja palitźniavolenaja raskazała, jak cisnuć na palitviaźniaŭ u homielskaj žanočaj kałonii
Žančyna, jakaja niadaŭna vyzvaliłasia z turmy, źviazałasia z prajektam «Palitviazynka». Voś što jana raspaviała.
«Kaci Andrejevaj z samaha pačatku vielmi ciažka pryjšłosia. Jaje raźmierkavali ŭ pres-atrad, praź jaki prajšli mnohija palitźniavolenyja dziaŭčyny. Ciapier tam Sofja Sapieha, i jaje vielmi žorstka presujuć užo praciahły čas. Jaje i Palinu Šarenda-Panasiuk vyklikali na «hutarku» da načalnika kałonii.
Kacia vielmi čułaja. I na jaje akazvajecca maralny cisk z boku marhinalnych asob. Kaci zabaraniali navat padychodzić da palityčnych. A kali ŭdavałasia joj pierakinucca z nami słovami, było vidać, što jana starajecca z usich sił usio heta vynosić. Kacia ciapier viarnułasia ŭ kałoniju z dadatkovym terminam. Jaje pieraviali ŭ lepšy atrad, ale na fabrycy joj zabaranili navat hladzieć na palityčnych. Kacia mocna napakutavałasia, ale vielmi hodna prachodzić hety šlach, jak by ciažka joj ni było».
Kitaj paprasiŭ Biełaruś narmalizavać adnosiny z Polščaj — krynica3
Kamientary