Śviet77

Bunkierny dzied. Vyjšła rasśledavańnie pra padziemnyja schoviščy Pucina

Žurnalisty vyśvietlili, chto buduje bunkiery dla rasijskaha prezidenta i jakaja tam aktyŭnaść. «Dzie i jak prezident płanuje pravieści jadziernuju zimu», — rasśledavańnie z takoj nazvaj apublikavała vydańnie «Sobiesiednik».

 Kałaž: «Sobiesiednik»

Žurnalisty vyśvietlili, što padziemnyja schoviščy Pucina znachodziacca adrazu ŭ niekalkich rehijonach — «ad Maskvy i jak minimum da Urała».

«Choć usio, što źviazana z bunkierami, znachodzicca pad hryfam «sakretna», maštaby budaŭnictva nastolki hłabalnyja, što zasakrecić ich całkam vielmi składana, choć by tamu, što tam zadziejničana (navat u achovie hetych abjektaŭ i ich absłuhoŭvańni) adrazu niekalki vajskovych čaściej, adpaviedna heta siemji, heta ludzi, jakija žyvuć pobač. Heta cełyja zakrytyja vajskovyja haradki, tysiačy čałaviek», — kaža aŭtar rasśledavańnia Aleh Rałduhin.

Mnohija hetyja bunkiery pačali budavać jašče ŭ saviecki pieryjad, adnak apošnim časam hetyja pracy prykmietna aktyvavalisia.

«Toj razmach, jaki nabyło budaŭnictva bunkieraŭ u Rasii, jon, napeŭna, unikalny ŭ suśvietnym maštabie. Moža być, chiba što ŭ Paŭnočnaj Karei jość takaja ž kolkaść padobnych padziemnych miescaŭ», — kaža žurnalist.

Ab dakładnaj kolkaści bunkieraŭ Pucina nieviadoma. Dakładna jość bunkiery ŭ Maskvie, na Urale, u Pavołžy.

Sistema bunkieraŭ isnuje jak aficyjnaja, dziaržaŭnaja, tak i pryvatnaja.

Aficyjnaj sistemaj zajmajecca Hałoŭnaje ŭpraŭleńnie śpiecyjalnych prahram prezidenta Rasii. Heta asobnaja aficyjnaja siłavaja struktura, jakaja padparadkoŭvajecca niepasredna prezidentu RF.

U hetym upraŭleńni jość asobnaja Słužba sakretnych abjektaŭ, jakaja zajmajecca ŭłasna absłuhoŭvańniem hetych bunkieraŭ. Ale, jak pakazała rasśledavańnie, tyja ž samyja budaŭniki, jakija zajmajucca pracami na zamovu hetaha Hałoŭnaha ŭpraŭleńnia śpiecyjalnych prahram prezidenta, budujuć jašče i pryvatnyja bunkiery. Heta Upraŭleńnie budaŭnictvam № 30, jakoje raźmieščana ŭ zakrytym uralskim miastečku Mižhorje. Heta ž struktura budavała tuneli i bunkiery pad tak zvanym pałacam Pucina ŭ Hielendžyku, to-bok sietka bunkieraŭ umoŭna padzialajecca na aficyjnyja i na pryvatnyja, jakija ŭsio ž tak ci inakš źviazany ź imiem prezidenta. Kolkaść bunkieraŭ značna bolšaja, čym možna vyličyć pa dziaržaŭnych kantraktach, havoryć rasśledavalnik.

Fota: Upraŭleńnie budaŭnictvam № 30

Čym bunkiery adroźnivajucca ad zvyčajnych bambaschoviščaŭ

Žurnalist kaža, što, pa-pieršaje, u ich surjoznaja hłybinia. Dyhiery, ź jakimi jon kantaktavaŭ, jakija pranikali ŭ sistemu staličnych tunelaŭ u Maskvie, kazali pra toje, što tyja iduć pad ziamlu na hłybiniu da 200 mietraŭ.

Kali ŭ bunkierach madernizavalisia lifty, suma na madernizacyju (nie na zakupku i nie na ŭstanoŭku) troch liftaŭ skłała 55 miljonaŭ rubloŭ. «Užo pa hetych maštabach možna mierkavać ab tym, jakaja hłybinia, što heta za lifty i jakija šachty prakładzieny pad Maskvoj». Zajmałasia hetym struktura, jakaja śpiecyjalizujecca na stvareńni šacht dla puskavych ustanovak rakiet», — raspaviadaje žurnalist.

Jon kaža, što mnohija z hetych bunkieraŭ Maskvy i Padmaskoŭja źviazanyja pamiž saboj tunelami, sistema dosyć razhalinavanaja, «mnohija ludzi žyvuć i nie padazrajuć, što pad ich damami znachodziacca niejkija padziemnyja sakretnyja abjekty abo tuneli».

Uznačalvaje Hałoŭnaje ŭpraŭleńnie śpiecyjalnych prahram prezidenta Alaksandr Liniec, jaki da hetaha ŭznačalvaŭ upraŭleńnie FSB u Paŭdniovaj fiederalnaj akruzie.

Padziemnaja sietka Maskvy. Fota: asabisty archiŭ dyhiera Paŭła Safronava

«Liniec pracuje ŭ maštabach usioj fiederacyi. Bo bunkier u Pucina nie moža być adzin: voraha i ślady treba błytać. U skład HUSP uvachodzić nie adna, a adrazu niekalki vajskovych čaściej, jakija raźmieščany i pracujuć jak u Maskvie, tak i dzie-niebudź u Krasnadarskim krai, nie kažučy ŭžo pra zakrytyja vajennyja haradki abo pasiołki, jak Čechaŭ-2 niedaloka ad stalicy ci Kuźnieck-12 pad Pienzaj», — piša aŭtar.

Da jadziernaj vajny hatovy

Jašče adzin cikavy momant rasśledavańnia — heta dazimietry dla bunkieraŭ. Mnohija hetyja dazimietry — jašče savieckaj vytvorčaści, ale ŭ apošni čas stali čaściej pravodzić ich pavierki, sačyć, nakolki jany jašče zdolnyja niešta vyznačać.

Žurnalist kaža, što, pa jaho adčuvańniach, sapraŭdy niebiaśpiečny momant dla śvietu byŭ viasnoj. U kancy sakavika samaloty Śpiecyjalnaha lotnaha atrada «Rasija», padparadkavanaha Kiraŭnictvu spravami Prezidenta RF, prademanstravali anamalnuju aktyŭnaść. «Navat tyja łajniery, što padnimajucca ŭ pavietra nadta redka, adnačasova ŭźnialisia ŭ nieba i raptam uziali kurs dalej ad niebiaśpiečnych zachodnich miežaŭ. Adzin tolki bort RA-61716, jaki ŭ mirny čas zvyčajna bieskłapotna pieramiaščaŭsia pamiž Maskvoj, Sankt-Pieciarburham i Sočy, usiaho za tydzień naviedaŭsia ŭ Jekaciarynburh i dvojčy va Ufu. U tyja ž samyja dni inšy samalot atrada «Rasija» — RA-96017 — akramia Jekaciarynburha adznačyŭsia jašče i ŭ Mahnitahorsku».

Toj samy zasakrečany ŭralski horad Mižhorje, u jakim niama ŭłasnaha aeraporta, jakraz znachodzicca na poŭdzień ad Jekaciarynburha, pamiž Mahnitahorskam i Ufoj. I mienavita tam užo hod jak udarnymi tempami išli sakretnyja pracy bunkierabudaŭnikoŭ.

«Nie vyklučana, što mienavita tady śviet znachodziŭsia na krai atamnaj katastrofy, i kiraŭnictva krainy časova evakujavałasia na Urał», — piša vydańnie.

Padrabiaźniej rasśledavańnie čytajcie tut. 

Kamientary7

  • skarb znachodziŭsia ŭ vałodańni pamieščyka
    01.12.2022
    A & V, Jany ž nie napisali prosta dzied. Bunkierny dzied heta ŭstojlivy vyraz. Nielha pisać bunkiery mužčyna.
    Heta prykładna toje ž samaje kali vy skažacie, što vyraz "pamyjny kot' abražaje ŭsich katoŭ.
  • Supovoj pakietik
    01.12.2022
    A & V, NN tolko PIERIEPIEČATYVAJET staťju rośsijskoho žurnalista, libo blizko k tiekstu jeje pierieskazyvajet. Połahaju, bud́ eto sobstviennaja publikacija našienivciev, u Vas nie było by povoda dla ironii...
  • Josik
    01.12.2022
    A Łukašenka na budavaŭ 18 rezidencyj. Nie byvaje tam, ale ich treba trymać u pracoŭnym stanie, a heta hrošy, hrošy, hrošy. Vielmi bahaty spadar Łukašenka, zdajecca, biznesmen suŕjozny.

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →